ممثله مصريه From Wikipedia, the free encyclopedia
هدى سلطان (15 اغسطس 1925 - 5 يونيه 2006)، ممثلة ومطربه مصرية. اتولدت فى واحده من القرى المصرية تسمى كفر ابو جندى تابعة لمركز قطور بمحافظة الغربية قريب من مدينة طنطا اسمها الاصلى بهيجة حبس عبد العال الحو, هيه اخت الفنان محمد فوزى و أخت الفنانة هند علام هيا فنانة ومغنية مصرية ابتدت فى 1950 مع فيلم "ست الحسن".وده كان سبب طلاقها من اول أزواجها محمد نجيب بسبب الغيرة بعد ما أنجبت كبرى بناتها نبيلة وبعدها اتجوزت المنتج والموزع السينمائى فؤاد الجزايرلى وفشل زواجها . واتجوزت بعده فؤاد الأطرش شقيق فريد الأطرش و اسمهان الأطرش، وبعدها فريد شوقى اللى أنجبت منه ابنتيها ناهد ومها وعاشت معه 15 سنه. و اتجوزت بعده المخرج المسرحى حسن عبد السلام[4]
| ||||
---|---|---|---|---|
معلومات شخصيه | ||||
اسم الولاده | بهيجة عبد السلام عبد العال[1] | |||
الميلاد | 15 اغسطس 1925 | |||
الوفاة | 5 يونيه 2006 (81 سنة) | |||
سبب الوفاة | سرطان الرئه | |||
الجنسيه | مصر | |||
الزوج | محمد نجيب فؤاد الجزايرلى فؤاد الأطرش فريد شوقى حسن عبد السلام | |||
ابناء | ناهد فريد شوقى | |||
اخوه و اخوات | ||||
الحياه العمليه | ||||
المهنه | ممثله ، ومغنيه | |||
اللغه الام | عربى | |||
اللغات المحكيه او المكتوبه | عربى | |||
اعمال بارزه | امراه فى الطريق ، ونساء محرمات ، والسكريه (فيلم) ، وعودة الابن الضال ، وقبل الضياع | |||
المواقع | ||||
IMDB | صفحتها على IMDB[2][3] | |||
السينما.كوم | صفحتها على موقع السينما | |||
تعديل مصدري - تعديل |
قدمت مع فريد شوقى اكثر من عشرين فيلما حيث شكلا ثنائيا متميزا فى السينما المصرية جذب جمهور كبير دفعت النقاد والجمهور لاطلاق لقب "ملك الترسو" على الراحل فريد شوقي.
ومن اشهر الافلام اللى قدمتها "ست فى الطريق" اللى نالت على دورها فيه الكثير من الجوايز، الى جانب افلام "ستات محرمات" للمخرج محمود ذو الفقار و"السكرية" عن رواية نجيب محفوظ بالاسم نفسه و"جعلونى مجرما" للمخرج عاطف سالم و"فتوات الحسينية".
ومثلت فى "الاختيار" و"وداعا بونابرت" و"عوده الابن الضال" مع المخرج المصرى الشهير يوسف شاهين وفى "بدور" و"بورسعيد" و"سوق السلاح". و كان اخر دور سينمائى ظهرت فيه بعد عشرين سنه من انقطاعها عن التمثيل السينمائى فى فيلم "نظرة عين" مع الفنانة منى زكى كضيفة شرف.
عملت فى الدراما التلفزيونية من أهمها "زينب والعرش" و"قبل الضياع" و"أرابيسك" و"زيزينيا" و"الليل و آ خره" و"الوتد" و"ليالى الحلمية" و"رد قلبي" و"زى القمر" و"للثروة حسابات اخرى". و كان اخر مسلسلاتها "سلالة عابد المنشاوي".
وعلى خشبة المسرح قدمت مسرحيات كان من ابرزها "وداد الغازية" و"الحرافيش" و"الملاك الأزرق" و"معقول؟ لا معقول" و"بمبة كشر" و"سيد درويش". من أهم مسلسلاتها الوتد وعلى الزيبق.
توفت هدى سلطان بمرض السرطان يوم الاثنين 5 يونيه 2006 بمستشفى دار الفؤاد فى مصر، عن عمر 81 سنه و كان بعد وفاة ابنتها مها فريد شوقى بحوالى 50 يوم.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.