نعمت علوى
From Wikipedia, the free encyclopedia
نعمت علوى Nimet Eloui كانت واحده من فتيات الاسر الارستقراطيه المصريه اللى اتعلمت تعليم اوروبى كامل, و هيا بنت احمد خيرى باشا, السياسى المصرى من اصل تركى, اللى كان وزير للمعارف «التعليم» بعد هزيمة الثوره العرابيه, فى وزارة محمد شريف باشا اللى اتشكلت فى اغسطس 1882, و استمر فى منصبه الوزارى لحد يناير 1884.
| ||||
---|---|---|---|---|
الشاعر النمساوى الشهير راينر ماريا ريلكه | ||||
معلومات شخصيه | ||||
الميلاد | القرن 19 | |||
الزوج/الزوجه | راينر ماريا ريلكه | |||
الاب | احمد خيرى باشا | |||
اللغه الام | اللغه المصريه الحديثه | |||
اللغات المحكيه او المكتوبه | انجليزى ، ولغه المانى ، ولغه فرنساوى | |||
تعديل مصدري - تعديل |
نعمت اتجوزت من عزيز علوى واحد من ابناء الطبقه الارستقراطيه المصريه من اصول التركيه, و خدت اسمها التانى منه على الطريقه الاوروبيه, و اشتهرت بالاسم داه, و كانت عايشه فى سويسرا بعد انفصالها عن زوجها الاول, و كان من الواضح انها بتعرف الالمانيه و بتجيدها.
اتعرفت فى سويسرا على الشاعر النمساوى الشهير راينر ماريا ريلكه اللى كانت معاه فى فندق سافوى فى سويسرا. و هوا داه اللى نقله ادمون جالو فى كتاب صغير بعنوان: "الصداقه الاخيره لراينر ماريا ريلكه", صدر فى باريس سنة 1927, كانت قبل ما تلتقى «ريلكه» قرات اعماله و حبتها, و لمس الشاعر قلبها بموهبته الفنيه الرائعه, و لما التقو حسو بالتفاهم المتبادل اللى بسرعه انتهى لحب عنيف ملتهب, و اتوثقت علاقتهم, و بقو ما يفترقوش, بس بسبب سوء الحظ مات فى 29 ديسمبر, سنة 1926, و عمره 51 سنه.
عاشت نعمت علوى بعد رحيل الشاعر فى باريس وحدها تقريبا, و عاشت وهم قدرتها انها تبقى نجمه سينمائيه بفضل جمالها بس ما قدرتش, و عرفها امير روسى الاصل اسمه نيكولاى متشرسكى فعطف عليها و قبلت بيه زوج, عشان تنسى المها العظيم بفراق ريلكه الابدى, بس سوء الحظ كان بيلاحقها قبعد اسابيع اعلنت الحرب العالميه التانيه فى 29 سبتمبر سنة 1939, و اضطر جوزها يلتحق بالجيش و يروح الحرب و هيا تروح نورماندى مع العيل الفرنسيه الهربانه, و ماتت قبل تحرير اوروبا, و لفظت انفاسها على صوره «ريلكه» لحد ان اندريه مالرو, شاعر فرنسا الكبير, قال عنها: "يا ليها من مسكينه".