From Wikipedia, the free encyclopedia
مملكة هولاندا (نيديرلاندى:Koninkrijk Holland ، فرنساوى: Royaume de Hollande) كانت مملكة موجوده فى النيديرلاند من 1806 لحد 1810 . مملكة هولاندا كانت فى الاساس مملكة دمية ، عملها نابوليون الاول ، امبرطور فرنسا ، كبديل عن الجمهوريه البتافيه ، اللى كانت دولة دمية الجمهوريه الفرنسيه الاولى عملتها فى النيديرلاند. نابليون كان كان مش عاجبه محاولات الجمهوريه البتافيه للاستقلال و متبقاش تابعة لفرنسا ، فعشان يسيطر اكتر على النيديرلاند و اعلن اخوه لويس بونابرت ملك هولاندا فى 5 يونيه 1806 . نابليون كان عايز اخوه يبقى زى حاكم فرنساوى على هولاندا و ملك بالاسم بس بياخد تعليمات من فرنسا ، بس لويس كان بيحاول ياخد شوية استقلاليه بهولاندا و يبقى حاكم مستقل ، و لحد ابتدى يتعلم نيديرلاندى عشان يتكلم لغة الشعب اللى بيحكمه ، اللى احترمه بالرغم ان الهولاندى بتاعه مكنش كويس ، و خلى لغة البلاط الملكى هولاندى مش فرنساوى و اجبر كل اللى فى البلاط انهم يتنازلوا عن جنسيتهم الفرنساويه ، اللى مراته أورتينس دى بوهارنيه رفضته و كانت قاعده فى فرنسا مع اولادهم، و اتدخل بنفسه فى حل ازمات و كوارث طبيعية زى الفيضان اللى حصل فى هولاندا سنة 1809، و ده اللى خلى الشعب يحبه و يديله لقب "لويس الطيب" Louis the Good. لويس كان رافض سياسة اخوه اللى كانت بتجر هولاندا لازمة اقتصاديه كبيره بسبب حروبه مع بقية دول اوروبا و تبعية هولاندا لفرنسا فى سياستها الخارجيه ، و بسبب كده دخل فى خلافات كبيره مع اخوه نابليون اللى وصلت لدرجة ان نابليون اقترح عزل لويس عن عرش هولاندا و تنصيب ابنه نابليون لويس بونابرت ، اللى كان فى فرنسا ، ملك هولاندا ، و ده اللى لويس رافضه ، ده خلى نابليون يغزوا هولاندا و ينصب نابليون لويس بونابرت ملك على هولاندا بالعافية فى 1 يوليه 1810 و هروب لويس بره هولاندا. فى 9 يوليه 1810 ، بعد 10 ايام بس من الغزو ، نابليون اعلن ضم هولاندا لفرنسا بشكل رسمى.
| ||||
|---|---|---|---|---|
 |
.svg) |
|||
 | ||||
| الارض و السكان | ||||
| القاره | اوروبا | |||
| عاصمه | دينهاخ | |||
| اللغه رسميه | هولندى | |||
| الحكم | ||||
| التأسيس والسيادة | ||||
| تاريخ التأسيس | 5 يونيه 1806 | |||
| العمله | خولده هولندى | |||
| [[تصنيف: غلط فى قوالب ويكى بيانات|]] | ||||
تعديل مصدري - تعديل  | ||||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
