From Wikipedia, the free encyclopedia
مارتين لوثر - بالالمانى:Martin Luther - (اتولد 10 نوفمبر 1483 - مات 18 فبراير 1546) كان رجل دين مسيحى المانى و برفيسور فى اللاهوت كان مصلح دينى مسيحى بروتستانتى, حاول إصلاح عيوب الديانة المسيحيه و خصوصا فى اوروبا, بسبب كلماته و افعاله انقسمت المسيحيه فى القرن الستاشر بين الكنيسه الكاتوليكيه الرومانيه و بين تيار بروتستانتى جديد بيضم اكتر من كنيسه اهمهم اللوتريه, الكالفينيه, الانج بعديه و الانابابتيه (التعميد التانى).
| ||||
---|---|---|---|---|
(بالألمانى: Martin Luther) | ||||
![]() ![]() | ||||
معلومات شخصيه | ||||
اسم الولاده | (بالألمانى: Martin Luder) | |||
الميلاد | 10 نوفمبر 1483 [1][2][3][4] | |||
الوفاة | 18 فبراير 1546 (63 سنة)[1][2][3] | |||
مكان الدفن | كنيسة جميع القديسين، فيتنبرج | |||
الاقامه | ماجدبورج (1497–1498) ارفورت (1501–1508) فيتنبرج (1508–) | |||
مواطنه | ![]() | |||
الزوج/الزوجه | كاترينا فون بورا (1525–1546) | |||
ابناء | بول لوثر | |||
الحياه العمليه | ||||
المدرسه الام | جامعة ارفورت (الشهادة:ماجستير ) (1501–1505) | |||
شهاده جامعيه | ماجستير | |||
تلاميذ مشهورين | مارتن هيلويج ، وچاكوب هيربراند | |||
المهنه | بروفسور ، ومحامى ، وكاتب [5]، وداعيه [6]، وملحن [6]، وقسيس كاتوليك | |||
اللغات المحكيه او المكتوبه | لاتينى ، ولغه المانى [7][8][9] | |||
مجال العمل | الهيات [10]، وفلسفه [10]، وتعديل بروتيستانتى [10]، وادب [10] | |||
موظف فى | جامعة فيتنبرج | |||
اتأثر بـ | القديس اوغسطين | |||
التيار | تعديل بروتيستانتى ، وبروتيستانتيه | |||
التوقيع | ||||
![]() | ||||
المواقع | ||||
IMDB | صفحته على IMDB[11] | |||
تعديل مصدري - تعديل ![]() |
من اهم الانجازات اللى حققها هيا ترجمة الانجيل من اللاتينى للغة المحلية المتداولة بين عامة الناس فى الوقت الالمانى اللى ساهم بشكل كبير فى توصيل الانجيل للناس بلغنهم الاصليه و فى نفس الوقت فى الاعتراف باللغات المحليه للناس بصفتها لغات مستقله و مش عاميات محتقره.
من مواليد 10 نوفمبر سنة 1483[12] و درس العلوم و القانون و بعدين دخل دير للرهبان و رسم قسيس سنة 1507 و اتعين راعى لكنيسة فتنبرج فى المانيا و اقتنع عن طريق دراسته للقانون و ايمانه بحرية التفكير ان خلاص المذنب بنعمة الرب و الفداء بدم المسيح بيكون بالايمان, لما زار روما اكتشف فساد البابويه و الانحلال الروحى فى اوساط كبار المسؤولين فى الكنيسه الكاتوليكيه و فكر فى اصلاح عقيدة الكنيسه و طرق عباداتها.
التعديل الپروتيستانتى ابتدا فى سنة 1517 اما مارتين لوثر اتحدا تتزل صاحب فكرة بيع صكوك الغفران فى خمسه و تسعين قضيه مشهوره علقها على كنيسة القلعه فهاجت السلطات الكنسيه عليه لكنه رفض يسحب احتجاجاته فى اوجسبرج و ايد نزعة الدوله الالمانيه لتولى شؤون الكنيسه, حرمه البابا من الكنيسه و بعت له قرار الحرمان فأخده و حرقه فى العلن فانحرم رسمى من غفران الكنيسه سنة 1521 و تم استدعائه للتحقيق معاه و صدر قرار بالقبض عليه فلجأ لقلعة فارتبورج و اعتزل الرهبنه و إتجوز سنة 1525 واحده كانت راهبه و خلفو ست ولاد.
مارتين لوثر ترجم كتاب العهد الجديد للغه الالمانية المتداولة بين الناس (بدلا من اللغه اللاتينيه المفروضه من قل الكنيسه) و عاش بقية حياته فى فتنبرج. اكتسب نقمة بعض الناس بسبب تأييده لمقاومة حرب الفلاحين ( 1524 - 1525 ) بس اتمتع باحترام كل الشعب.
فيليب ميلانكتون كتب " اعترافات اوجسبرج " بمرا بيره مارتين لوثر و بعتها لمجمع اوجسبرج سنة 1530, إتعرض مارتين لوثر لمعارضه كبيره من بروتيستانت زى زوينجلى و كلفن فانقسمو لطايفتين الكنيسه اللوثريه و الكنيسه المصلحه.
مارتين لوثر حط نظام تربوى فعال و كتب كتير عن امور الكنيسه و بقت تعاليمه معروفه بإسم " اللوثريه " رغم رفضه التسميه دى, معظم تعاليمه موجوده فى كتاب " الكونكورد " ( 1580 ). و اهم عقيده فيها هيا التبرير بالإيمان و معناها الايمان برحمة الرب و انه تخلص من حالة القلق اللى كانت تنتابه من عذاب الله, و اعتبر المعموديه ضروريه للتجديد لكن ما حددش طريقه معينه ليها, بالنسبه لباقى العبادات لوثر اتمسك بالمذبح ف الكنيسه و كان بيحضر بنفسه نظام الخدمه على اساس طقس معين, و من مميزات الخدمه انها بتهتم بالوعظ و الترنيم الجماعى.
اللوثريه هيا كنيسة الدوله فى دنمارك و السويد و فنلندا.
قام بوضع عريضة لوثر الاحتجاجية 1517م و دى بعض بنودها:
ان الله هو اللى يغفر الخطايا و ان الانسان ما يقدرش يشترى الغفران و خلاص نفسه بالمال و ان الاعمال الصالحه لازمه لكن ما بتخلصش الانسان و هيا ثمرة الايمان.
دعا لوثر الرهبان و الراهبات للجواز لو كانو عاوزين اما اللى عاوز يبقى عازب فليه حرية الاختيار.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.