![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/11/Heart_numlabels.svg/langarz-640px-Heart_numlabels.svg.png&w=640&q=50)
قلب
From Wikipedia, the free encyclopedia
القلب (نطق مصرى : ئلب) هو عباره عن عضو عضلى تبع الجهاز الدورى وظيفته ضخ الدم الاوعيه الدمويه بتاعة الحياوانات الفقاريه و منها الانسان.العلم اللى بيدرس القلب اسمه علم الكارديولوجيا من كارديا (καρδιά) باليونانى اللى معناها قلب. القلب بتاع الانسان حجمه صغير بالنسبه للمجهود الكبير اللى بيقوم بيه و تقريبا بيبقا قد قبضة الايد المضمومه ووزنه بيتراوح ما بين 250 و 300 جرام فى الستات و ما بين 300 و 350 جرام فى الرجاله. القلب بيدق من 60 - 90 دقه فى الدقيقيه و فى فترة حياة الانسان كلها بيدق القلب 2.5 بيليون دقه.
![](http://upload.wikimedia.org/wikipedia/commons/thumb/b/bd/ARZWikify.png/40px-ARZWikify.png)
![Thumb image](http://upload.wikimedia.org/wikipedia/commons/thumb/e/e0/Heart_diagram-en.svg/640px-Heart_diagram-en.svg.png)
![Thumb image](http://upload.wikimedia.org/wikipedia/commons/b/b7/Humhrt2.jpg)
قلب الانسان موجود تقريبا فى نص الصدر و بيميل شويه ناحية الشمال، بين الرئتين و ورا عضمة الصدر القلب البشرى شكله زى الكمترايه المقلوبه و بيتكون من اربع اوض (فراغات): بطينين تحت و اذينين فوق. فى صمام بيفصل كل اذين عن البطين اللى تحته، الصمام الميترالى بيفصل الاذين الشمال عن البطين الشمال و صمام الترايكابسيد بيفصل الاذين اليمين عن البطين اليمين.
القلب من فوق مرتبط بيه كذا وريد و كذا شريان. الاورطى هو اكبر الشرايين فى جسم الانسان ووظيفته هى نقل الدم المليان مغذيات و اوكسجين من القلب لبقية مناطق الجسم. الشريان الرئوى كمان من الشرايين الكبيره و شغلانته انه يغذى الرئتين بالدم و من اهم الشرايين كمان الشريان التاجى و دا مهمته انه يغذى القلب نفسه بالدم. فى وريدين كبار كمان مهمتهم توصيل الدم من الجسم تانى للقلب: الوريد الاولانى اسمه سوبيريو فينا كافا (الفوقانى) و الوريد التانى اسمه انفيريور فينا كافا (التحتانى).