قصر السكاكينى من اقدم قصور مصر اتبنى سنة 1897 على ايد حبيب باشا السكاكينى القصر موجود فى ميدان السكاكينى فى وسط مدينة القاهرة، فى حى الظاهر صممه المهندس الايطالى بترو افوسكانى القصر مصنف ضمن آثار القاهره و عملته منطقة آثار وسط القاهره مقر اداري ليها و بيعاني القصر دلوقتى من الاهمال الكبير من بره و جوه.
السكاكينى باشا
اتسمت المنطقة السكاكينى بعد بنا القصر على اسم صاحب القصر حبيب باشا السكاكينى (1841-1923) و هو رجل اعمال مصري هاجرت عيلته لمصر فى القرن 19 لما كان عنده 16 سنه و لما كبر بقى من المقاولين الاغنيا فى ايامه. بسبب لقبه (السكاكينى) بيتقال أنه اتغنى قبل ما يشتغل فى المقاولات من تجارة السكاكين والاسلحه.
وصف القصر
اتبنى القصر على الطراز الطليانى بنته شركه طليانيه كلفها حبيب باشا السكاكينى و اختار لقصره موقع بيتفرع منه 8 شوارع رئيسية القصر له قبب مخروطية الشكل وبتصميم للعصور الوسطى اتبنى القصر على مساحة 2698 متر ويضم أكتر من 50 اوضه بارتفاع خمس ادوار والقصر فيه 400 شباك وباب و 300 تمثال منهم تمثال نصفي لحبيب باشا السكاكينى بالمدخل الرئيسي للقصر .
فى سنة 1923 اتوفى حبيب باشا السكاكينى فاتقسمت ثروته على الورثة اللى اهدوا القصر للحكومة و اتبرع واحد من احفاد السكاكيني وكان دكتور بنصيبه لوزارة الصحة لتحويل القصر لمتحف لتطوير الطب لكن وزارة الصحة ماكنتش الجهة المؤهله لوراثة القصر.
و بعد 100 سنه على بنا القصر اتحط تحت رعاية المجلس الاعلى للآثار المصرية وبالرغم من كده ماحدش اهتم بيه و انهارده بيفكروا فى تحويل القصر لمتحف لتطوير الطب من زمن الفراعنة لغاية دلوقت.
القصر دلوقتى مفتوح للزوار اللى اغلبهم من طلبة الفنون لدراسة التماثيل والزخارف اللى ماليه القصر.
شوف
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
