![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/arz/thumb/a/a4/%25D8%25B9%25D9%2585%25D8%25A7%25D8%25B1%25D8%25A9_%25D9%2584%25D9%258A%25D8%25A8%25D9%2588%25D9%2586.jpg/640px-%25D8%25B9%25D9%2585%25D8%25A7%25D8%25B1%25D8%25A9_%25D9%2584%25D9%258A%25D8%25A8%25D9%2588%25D9%2586.jpg&w=640&q=50)
عمارة ليبون
From Wikipedia, the free encyclopedia
عمارة ليبون من اشهر عمارات مدينة القاهرة. والعماره موجوده جنب جنينة الأسماك فى جزيرة الزمالك فى القاهرة و صممها المهندس المعمارى المصرى أنطوان سليم نحاس. اتبنت العماره فى بداية خمسينات القرن العشرين و ارتفاعها 14 دور على مساحة الف و خمسميت متر مربع و فيها أكتر من 100 شقه.
![Thumb image](http://upload.wikimedia.org/wikipedia/arz/thumb/a/a4/%D8%B9%D9%85%D8%A7%D8%B1%D8%A9_%D9%84%D9%8A%D8%A8%D9%88%D9%86.jpg/320px-%D8%B9%D9%85%D8%A7%D8%B1%D8%A9_%D9%84%D9%8A%D8%A8%D9%88%D9%86.jpg)
الخواجة تشارلز ليبون اللى اتسمت العمارة باسمه كان من عيله يهوديه فرنساويه سمح لها محمد علي والى مصر بالاستثمار فى نص القرن 19. أتأسست شركة ليبون لتوفير النور الكهربى لشوارع اسكندريه فى سنة 1865 ، و بعدها اخدت امتياز تنوير شوارع القاهره. الشركة امتلكت العماره وسمتها " عمارة ليبون ". اتنقلت ملكية العمارة للحكومه المصريه بعد سنة 1961 بعد تأميم الممتلكات الاجنبيه فى مصر.