سيكولاريه
العلمانيه / From Wikipedia, the free encyclopedia
العلمانية هى المبدأ اللى بيفصل بين سياسات ومؤسسات الحكومه عن الاديان أو أى معتقدات دينية وإن نظام الدولة يكون مدني مش دينى.
| ||||
---|---|---|---|---|
فلسفه سياسيه ، وايدلوجيا سياسيه | ||||
عكسه | ثيوقراطيه | |||
جنب من | الدين و السياسه | |||
تعديل |
العلمانيه مش ايديولوچيا، لكنها نظرية إنسانية بنتقبل بيها كل الايدلوجيات المُختلفة. العلمانية نظام بيعامل الانسان على اساس علمه واخلاقه ودوره فى المجتمع، مش على اساس الدين او اللون او الجنس. العلمانية فى تعريفها السياسي هيا فصل المؤسسات الدينية عن مؤسسات الدولة، أو بمعنى أوضح؛ لمّا الدولة تاخد قرار بخصوص أي حاجة، فهي هتاخده عشان ظروف ومعطيات معينة، بغض النظر عن رأي أي مؤسسة دينية فيه، سواء حرام أو حلال أو مكروه أو لأ، فالدين هنا مبيلعبش دور المُتحكم فى قرارات الدولة، الدولة بتحكم باللي شايفاه مناسب للواقع والظروف الحالية.
العلمانية فى تعريفها الفلسفي، زي ما قال عليها الدكتور مراد وهبة، هيا الحكم على النسبي بما هو نسبي مش بما هو مطلق؛ يعني الحياة نسبية ومتغيرة، مينفعش تحكمها بنفس قوانين كانت موجودة فى مجتمع تاني مر بظروف مختلفة فى زمن ومكان مختلفين وتجبرني بتطبيقها وتنفيذها بالحرف. الدين هنا بيمثل المُطلق؛ بإعتباره مجموعة من الأحكام اللي نازلة من الإله ولازمة التنفيذ تحت أي ظروف من غير تشغيل عقلنا فيها، لكن، زي ما قولنا، العلمانية بتتعامل مع معطيات الحياة دلوقتي، بعقلية دلوقتي، مش بعقلية أي وقت تاني.