From Wikipedia, the free encyclopedia
جان باريسوت دو لافاليت فرنساوى: Jean Parisot de la Valette (اتولد 1494 - مالطا 1568) ، الزعيم التالت لطايفة فرسان القديس يوحنا فى مالطا ( الاسبتاريه او فرسان مالطا ). اتصدى للأتراك لما حاصرو مالطا سنة 1565 و بنا مدينة فاليتا اللى اتسمت على اسمه و بقت عاصمة مالطا. لافاليت جه من عيله فرنساويه نبيله من شاتو دى لابرو Chateu de Labro فى جاسكونى Gascony. كان من ضمن اجداده اول كونتات لتولوز و فرسان شاركو فى الحروب الصليبيه. اشتهر بالذكاء و الشجاعه و كان بيتقن الطليانى و الاسبانى والجريجى و العربى و التركى.
انضم لافاليت لنظام الاسبتاريه و هو عنده عشرين سنه و فى سنة 1522 شارك فى محاربة الاتراك وقت حصارهم لجزيرة رودس اللى كانت مقر للاسبتاريه، و فى سنة 1541 اتجرح و اتأسر فى معركه مع القرصان عبد الرحمن كوست على و ضاعت منه سفينته " سان جيوفانى باتيستا San Giovanni Battista " و بقى من رقيق السفن لكن اطلق القراصنه اطلقو سراحه بعد سنه بعد ما حصل تبادل للاسرى مابين نظام الاسبتاريه و قراصنه دولة البرابره Barbary State.
اتعين لافاليت فى مناصب كتيره مهمه منها منصب حاكم طرابلس ( فى ليبيا الحاليه ) و منصب القومندان العام لاسطول الاسبتاريه. و فى 21 اغسطس 1557 انتخب زعيم للطايفه " جراند ماستر Grand Master ) و اظهر براعه كبيره فى التصدى .للحصار التركى العثمانى لمالطا سنة 1565.
فى 28 مارس 1566 اسس مدينة فاليتا اللى بقت عاصمه لمالطا. اتوفى لافاليت فى مالطا فى 21 اغسطس 1568 و اتدفن فى كنيسة القديس يوحنا فى فاليتا.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.