رجل اعمال ومخترع امريكانى From Wikipedia, the free encyclopedia
توماس الفا اديسون (11 فبراير 1847 – 18 اكتوبر 1931) كان راجل اعمال و مخترع امريكانى كبير من عباقرة العلما اخترع حاجات كتيره خدمت الانسانيه و اثرت بقوه فى الحياه على مستوى العالم و تطور البشريه ، منها مثلا اللمبه الكهربيه و الفونوجراف ، و كان اول مخترع يطبء مبادءى الانتاج الكمى على الاختراعات و عشان كدة هو مشهور بانه ابتدا اول معمل اختبار صناعى. 1093 اخد براءة اختراع امريكيه باسمه و ده غير شهادات تانيه كتير فى بريطانيا و فرنسا و المانيا. وأول محطة توليد كهربا عملها فى جزيرة مانهاتن فى نيو يورك فى امريكا.
أديسون اتولد فى ميلان فى أوهايو , و كان السابع و الاخير فى أخواته, فى المدرسه أديسون قعد 3 شهور بس , بعد كدة امه خلته يتعلم فى البيت , اديسون و هو صغير كان عنده مشاكل فى السمع, ولما كبر بقى اطرش. أديسون كان شغال على تلغراف, و كان الشغل ده بيسمحله انه يعمل الحاجات اللى بيحبها (القرايه والتجارب) ، و مره و هو شغال ببطاريه من بتوع زمان (أوى) وقع حمض كبريتيك منها على الارض, فالحمض اتسرب من الارضيه و مضا مكتب مديره, و تانى يوم أديسون اتطرد من الشغل , أديسون أتجوز واحدة عندها 16 سنه كان اسمها (مارى ستيلويل) وخلف منها ولدين و بنت و بعد مماتت اتجوز تانى واحده عندها 20 سنه كانت بنت مخترع وخلف منها بنتين و ولد. أديسون أخد اول براءة اختراع على ماكينه اليكترونيه بتستعمل فى التصويت فى الانتخابات.
أديسون عمل أختراعات كتير وحسن أختراعات أكتر بس كسب معظم شهرته من الفونوجراف (مشغل السيديهات بتاع زمان) و كان ؟اول ما عمله كن بيشتغل على ورق قصدير و صوته ما كانش حلو أوى , لكن بعد كده مخترعيين تانيين اسمهم (ألكسندر جراهم بيل,تشستر بيل و تشارلز تاينتر) قدموا نسخة محسنة منه,وده اللى خلى أديسون يشتغل جامد علشان يعمل احسن فونوجراف. ومن انجازات أديسون المهمة أنه عمل اول معمل ابحاث صناعى فى ميلانو بارك بنيو جيرسى , وعمله من الفلوس اللى جتله من مبيعات الفونوجراف,والمعمل ده كان هدفه انو يعمل تحديثات على الاجهزة الموجودة و يعمل اختراعات جديدة.
من اعظم اختراعات اديسون و بتعتمد على مرور تيار فى سلك من مادة معينة (حاليا التنجستين) ومن المقاومة بتاعة السلك لمرور الكهرباء فيه بينشأ ضوء و حرارة. وبالمناسبة لكى تخترع انت بحاجة الى مخيلة جيدة وكومة خردةأول لمبة أديسون عملها اشتغلت 40 ساعة بس.
لما نيكولا تيسلا راح امريكا قابل توماس ايديسون واشتغل معاه فى مصنعه لكن بعد كده سابه وبنى معمله الخاص وحصلت بينه وبين ايديسون خناقات بالكلام نشرتها وسايل الاعلام المحلية ساعتها.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
