![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/31/Angry_man_%2528without_speech_balloon%2529.svg/langarz-640px-Angry_man_%2528without_speech_balloon%2529.svg.png&w=640&q=50)
تعسف
From Wikipedia, the free encyclopedia
التعسف انحراف فى استعمال الحق او اللى المتعسف بيفتكر انه حق. التعسف بيكون لما تكون المصالح اللى المتعسف عايز يحققها غير مشروعه ، او مش مهمه ، او ما تتناسبش مع الضرر اللى بيصيب الغير او ممكن يصيبه. التعسف بينتشر فى الثقافات الديكتاتوريه ، و عن طريقه بيحاول المتعسف وقف افكار او الضغط على افراد بيطالبوا بالتطوير او التغيير. الفرد المتعسف مينى-ديكتاتور و صوره مصغره من نظام الحكم الديكتاتورى اللى بيحكم المنطقه اللى هو عايش فيها ، او تعبير عن ثقافه ديكتاتوريه بتحبذ تجميد الثقافه و المجتمع و ما بتسمحش بتشغيل العقل. المتعسف عشان يبرر تعسفه فى العاده بيستعمل مفردات زى " المحافظه على " و " الدفاع عن " و " التصدى ل" و غيرها من الفاظ تبريريه بيحاول يستخدمها عشان يتعسف و يتحكم فى الغير. تعسف الافراد فى المجتمعات او الثقافات الديكتاتوريه الاستبداديه عمليه تلقائيه بتنبع من الانسان نفسه و ده لإن ذهن الفرد فى المجتمع الاستبدادى بينحط و بيبقى التعسف فيه مزاج ثقافى عام.
![](http://upload.wikimedia.org/wikipedia/commons/thumb/b/bd/ARZWikify.png/40px-ARZWikify.png)
![Thumb image](http://upload.wikimedia.org/wikipedia/commons/thumb/1/12/Jos%C3%A9_de_Ribera_003.jpg/640px-Jos%C3%A9_de_Ribera_003.jpg)