From Wikipedia, the free encyclopedia
| ||||
---|---|---|---|---|
سلوك | ||||
مختلف عن | ادمان المخدرات | |||
تعديل |
لو حبينا نعرف الادمان (بالانجليزى: addiction ) فهنقول إن الادمان اعتياد مرضى على سلوك معين أو عقار معين أو مادة مخدرة معينة، والاعتياد المرضى ده معناه إن المريض بيكون تحت تأثير الحاجات دى فى كل سلوكياته اليومية وميعرفش يستغنى عنها، وبمجرد غياب مفعولها تتأثر علطول حالته المزاجيه ويكون همه الوحيد ساعتها هو إزاى يجيب المادة دى أو يمارس السلوك ده اللى اتعود عليه.
ومن هنا ممكن نستنتج إن الادمان نوعين، الادمان السلوكى والادمان المادي. طيب خلونا نتعرف عليهم.
الادمان السلوكى بيكون إدمان على فى العاده معينة مبيقدرش المريض يستغنى عنها وبمجرد ممارستها بيحس بسعادة وراحة، ومثال على ده ادمان الانترنت وادمان العادة السرية وادمان التسوق وادمان الرحلات وادمان الالعاب الالكترونية.
الادمان المادى بيكون على مادة مخدرة أو عقار معين زى الكحوليات والأدوية المهدئة والمنومة والحشيش والبانجو والهيروين والكوكايين والترامادول والكبتاجون والشبو والجوكر .. و أنواع تانية كتير. وكل ده بيندرج تحت الادمان المادي.
فيه أسباب ودوافع كتيرة للإدمان، منها:
1- ضعف القيم الدينية عند المريض.
2- الخلافات اللى بتكون موجودة فى العيله.
3) إهمال الأب ولأم لعيالهم والانشغال عنهم.
4) الفراغ
5) الرغبة فى التجربة
6) أصحاب السوء
7) الإشاعة اللى بتربط بين المخدرات والقدرة الجنسية.
فيه علامات كتيرة بتدل إن الشخص ده أكيد وقع فى فخ الادمان ومنها الاعراض دي:
1) إن الشخص يصحى و هو تعبان الصبح ومعندوش رغبة إنه يروح المدرسة أو الكلية أو الشغل.
2) إن الشخص يكون متذبذب المزاج يعنى شوية عصبى وشوية قلقان وشوية سعيد وشوية حزين وشوية شيط وشوية كسلان وممكن ينفجر فى الضحك من غير سبب.
3) إن الشخص بيكون بيخرج كتير بره البيت وبيغيب بره بدون سبب وجيه.
4) ظهور أصحاب جداد وغير معروفين.
5) إن الشخص ميكنش عنده القدرة على الإنصات وبيكون باين عليه الكآبة بصفة عامة.
7) مبيعرفش يركز وقت الكلام وتلاقيه بيخرج من موضوع لموضوع من غير ما يكمل الأول. وتلاقى لسانه تقيل.
8) تلاقى الشخص عايز ينام كتير وعيونه دائماً لونها أحمر.
9) لو كان عنده عربية، هتلاقيه بتقع منه حوادث مرور متكررة.
10) بيكون مهمل فى نظافته الشخصية.
11) بتلاقى وزنه ابتدا ينزل.
12) ممكن يظهر على القميص بتاعه أو لبسه بقع دماء من أثر حقن المخدرات.
13) بيبدأ يحصل تغير فى شخصيته وسلوكه فتلاقيه بيكذب علطول وممكن يسرق عشان يعرف ياخد الجرعة بتاعة المخدر.
14) ممكن تلاقى حاجات غريبة عنده فى المكتب زى سرنجات حقن أو ملعقة صغيرة أو لمون.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.