ابواب الازهر
From Wikipedia, the free encyclopedia
أبواب الازهر هما 8 أبواب فى الجامع الازهر فى القاهره فى مصر. هما باب المزينين ، و باب المغاربه ، و باب الصعايده ، و باب الشوام ، و باب الجوهريه ، و باب صغير.
باب المزينين اللى بيتكون من مدخلين هو اكبر و اشهر ابواب الازهر و المدخل الرئيسى للجامع ، و سبب تسميته كده كان اكمن المزينين كانو بيقعدو قدامه عشان يحلقو رووس المجاورين. باب المزينين بيضم من جواه المدرسه الطيبرسيه و المدرسه الأقبغاويه. على الباب ده منقوش تاريخ انشأه و اسم اللى بناه مولانا السلطان الأشرف قايتباى من سلاطين الدوله المملوكيه الكبار :
امر بانشاء هذا الباب والمئذنه الشريف مولانا الأشرف قايتباى بتاريخ ثلاثة من رجب ...
و على واجهة الباب من بره اتكتبت ابيات مموهه بالدهب ، اول ابياتها بيقول:
ان العلم ازهرا يتسامى .:. كسماء ما طاولتها سماء
باب المغاربه بيعتقد انه من ابواب الازهر الاصليه و مبنى قدام الوكاله اللى انشأها السلطان الاشرف قايتباى و سكته بتوصل لمقصورة الجامع القديمه. عن طريق الباب ده بيدخل الزاير صحن الجامع بعد مايعدى بين رواق المغاربه و رواقين السناريه و الأتراك.
باب الصعايده بناه الامير عبد الرحمن كتخدا موجود بعد باب الشوام فى اتجاه حارة الباطليه و حارة كتامه. اللى يعدى الباب ده بيدخل رواق الصعايده و بيت القناديلى و مدفن الكتخدا و مقصوره الجامع الجديده. الخديوى توفيق كان هد الباب ده و بناه من تانى تحت اشراف الامير أدهم باشا اللى نقش فوق واجهته من بره قصيده من تلت ابيات اول ابياتها بيقول:
باليمن اقبل باب سعد الأزهرى .:. وسلمت محاسنه وبأعجب منظر
باب الشربه موجود جنب قبة الجامع الجديدهجنب بيت السيد عمر مكرم نقيب الأشراف و اللى بناه كان الامير عبد الرحمن كتخدا.
باب صغير موجود ناحية زاوية العميان جنب الباب التانى لبيت السيد عمر مكرم و بيوصل لمقصورة الجامع الجديده و اللى خارج منه بيمشى فى عطفة الشنوانى اللى بيوصل للشارع الجديد اللى جنب المشهد الحسينى.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.