![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c6/Europe_%2528orthographic_projection%2529.svg/langarz-640px-Europe_%2528orthographic_projection%2529.svg.png&w=640&q=50)
اوروبا
From Wikipedia, the free encyclopedia
اوروپا (يونانى: Ευρώπη; انجليزى: Europe) هى واحدة من السبع قارات اللى موجودين فى الكورة الارضية و مساحتها حوالى 10 مليون كيلومتر مربع و بكده تكون تانى اصغر قارة فى العالم بعد اوستراليا. اوروپا هى تالت قارة فى العالم من عدد السكان بعد اسيا و افريقيا و عايش فيها دلوقتى 731,000,000 انسان. القارة بيحدها من الشمال المحيط القطبى ومن الغرب المحيط الاطلنطى و يفصلها عن قارة افريقيا البحر المتوسط. اما من ناحية الشرق فبيفصلها عن قارة اسيا جبال الاورال و بحر قزوين و البحر الاسود و جبال القوقاز. اوروپا فيها عدد كبير من الدول المستقلة ( 50 دولة )اكبر دولة بينهم هيا روسيا و اصغر دولة بينهم هيا الفاتيكان. اوروپا هى اصل الحضارة الغربية و من زمان هيا فيها مراكز حضارية عظيمة زى الحضارة اليونانية و الرومانية و من اول القرن الستاشر بدات قوتها و نفوذها يتوسع لحد ماسيطرت الدول الاوروپية على معظم دول افريقيا و امريكا الشمالية و الجنوبية و اسيا و اوستراليا. اوروپا دخلت حربين عالميتين ورا بعض و اللى قصقصو نفوذها و دمرو اقتصادها و خلوها تخسر معظم مستعمراتها. دلوقتى اغلب دول القارة بيجمعهم اتحاد سياسي-اقتصادى هو الاتحاد الاوروپى. من اكبر المدن اللى فى اوروبا باريس و لندن و روما و بوخارست و برلين و استانبول و موسكو و مدريد و اتينا.
![Thumb image](http://upload.wikimedia.org/wikipedia/commons/thumb/c/c6/Europe_%28orthographic_projection%29.svg/320px-Europe_%28orthographic_projection%29.svg.png)
![Thumb image](http://upload.wikimedia.org/wikipedia/commons/thumb/b/b1/Europe_satellite_globe.jpg/640px-Europe_satellite_globe.jpg)