From Wikipedia, the free encyclopedia
يوسف اصلان قطاوى باشا (1861ـ 1942) Joseph Aslan Cattaui Pasha اختاروه عضو فى كذا مجلس من المجالس الاستشاريه للمؤسسات الصناعيه والماليه ، واشترك سنه 1920 بالتعاون مع طلعت حرب و يوسف شيكوريل فى تأسيس بنك مصر. وفى سنه 1915 ، انضم يوسف قطاوى للوفد المصرى الساعى للتفاوض مع بريطانيا للمطالبه بإستقلال مصر ، و برضه اختاروه فى سنه 1922 عضو فى اللجنة اللى أُسندت ليها مهمة وضع دستور مصرى جديد بعد ثورة 1919 و تصريح 28 فبراير اللى اصدرته بريطانيا و ادت بيه مصر استقلال شكلى (1923).
اتعين يوسف اصلان قطاوى وزير للماليه فى وزارة زيور باشا (نوفمبر 1924 – مارس 1925) و بعدين بقى وزير للمواصلات سنه 1925 ، و فى سنة 1923 انتُخب عضو فى مجلس النواب عن دايرة كوم امبو ، وكمان بقى عضو فى مجلس الشيوخ من 1927ل1936. يوسف اتجوز من عيلة سوارس و كانت مراته أليس وصيفه أولى للملكة نازلى مرات الملك فؤاد، ووصيفة الملكة فريدة مرات الملك فاروق
و بعد وفاة يوسف اصلان، انتُخبوا ابنه اصلان يوسف قطاوى عشان يحل مكان أبوه فى مجلس الشيوخ سنه 1938 ، و كمان اشتغل سكرتير عام لمصلحة الأملاك الاميريه التابعه لوزارة المالية ومندوب عن الحكومة المصرية فى شركة قناة السويس ومندوب للحكومة فى البنك الاهلى المصري. اما ابنه التانى رينيه قطاوى، اختاروه سنه 1943 رئيس للطايفةاليهوديه فى القاهرة. و كان برضه عضو فى البرلمان و فى نفس الوقت كان بيدير مشروعات اقتصادية كتيره.
عيلة قطاوى ساعدت فى بنا المعبد اليهودى (معبد عدلى) فى شارع عدلى و هو شارع من اشهر شوارع القاهره التجاريه سنه 1899 واللى تم تجديده سنه 1988 بتبرع من المليونير اليهودى نسيم جاعون ، وافتتح رسمى سنه 1990 بحضور شمعون بيريز رئيس اسرائيل.
وعلى عكس ما تدَّعى بعض المصادر ،ليس ثمة ما يشيرلتعاطُف الشخصيات الرئيسية فى عيلة قطاوى مع المشروع الصهيونى من بعيد أو قريب، ولالقيامهم بأية أنشطة من شأنها دعم ده المشروع.لكن عارض كلٌّ من يوسف أصلان قطاوى وابنه رينيه قطاوى الصهيونية، حينما تولَّى كلٌّ منهما رئاسة الطائفة اليهودية فى مصر. وحذر رينيه قطاوى يلون كاسترو، زعيم الحركة الصهيونية فى مصر، من الدعوة للهجرةلفلسطين باعتبار أن ذلك يمس علاقة الجماعة بالسلطات المصرية. كما دعت عيلة قطاويلاندماج أعضاء الجماعة اليهودية فى المجتمع المصرى وشجع يوسف أصلان قطاوى تأسيس « جمعية الشبان اليهود المصريين » (1934/1935) وجريدة الشمس الأسبوعية الصادرة بالعربية، و كان هدفهما «تمصير» أعضاء الجماعة وتعميق انتمائهم للوطن المصري.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
