يعقوب نخله روفيله
From Wikipedia, the free encyclopedia
يعقوب نخله روفيله ( القاهره 1847 - 1908 )، مؤرخ و لغوى و محرر مصرى اتولد فى القاهره سنة 1847 فى عيله قبطيه. بيعتبر من اشهر أقباط مصر فى القرن التسعتاشر. اسس جورنال اسمه " وطنى " ، و من اهم مؤلفاته " تاريخ الامه القبطيه " .
اتلقى يعقوب نخله روفيله تعليمه فى كلية الأقباط الكبرى فى عهد البطريرك الأنبا كيرلس الرابع (بابا اسكندريه) ابو الإصلاح ، و اتقن العربى و القبطى و الانجليزى و الطليانى و اتعمق فى اللغه القبطيه و بقى متبحر فيها. درس فى المدرسه القبطيه فى حارة السقايين فى القاهره. اشتغل محرر فى مطبعة بولاق الاميريه و اسس جورنال " وطنى " و مطبعة جمعية التوفيق.
اسس يعقوب نخيله كذا مؤسسه خيريه و مدرستين فى الفيوم واحده للبنات و واحده للبنين ، و اشتغل فى كذا وظيفه غير التدريس و التحرير و كانت اخر شغلانه ليه موظف فى ادارة سكك حديد مصر فى الفيوم.
الف كذا كتاب فى تعليم الانجليزى للمصريين و العربى للاجانب. اهم مؤلفاته كتابه التاريخى المهم " تاريخ الامه القبطيه".
Wikiwand - on
Seamless Wikipedia browsing. On steroids.