وحوى يا وحوى

وحوى يا وحوى

وحوى يا وحوى
اغنيه
البلد	مصر
غناء	احمد عبد القادر
اللغه	مصرى
انتاج	1935
الملحن	احمد الشريف
المؤلف	حسين حلمى المانسترلى
تعديل

معنى وحوى

وحوى يعنى فرحى بالمصرى ايام الفراعنه ، إيوح يعنى قمر بالمصرى ايام الفراعنه . الاغنيه اصلها وحوى يا وحوى اياحه بنت السلطان اياحه لابسه فستان اياحه . يعنى : فرحى يا فرحى قمر بنت السلطان قمر لابسه فستان قمر.

اياح حتب هيا مرات الملك سقنن رع اللى حكم مصر فى أواخر القرن التمنتاشر 18 قبل الميلاد ، الدوله الفرعونيه الوسطانيه كانت متفككه و احتلها الهكسوس، فما كان من الملكه "إياح حتب" إلا تحريض جوزها الملك علا رفع راية العصيان فى وش الغزاه فحارب الهكسوس لكنه مات قبل ما يطرد الهكسوس فخلت ابنها الاولانى الكبير كاموس يكمل مشوار أبوه لكنه مات هوا كمان و ما هديتش عزيمة إياح حتب فخلت ابنها التانى "احموس الاول" يكمل اللى بدأه أبوه و أخوه و انتصر و طرد الهكسوس و حقق الاستقلال.

إياح يعنى قمر و حتب يعنى زمان فيكون اسم الملكه اياح حتب يعنى قمر زمان و كانو بينادوها اياحه يعنى قمر أما كلمة وحوى بالمصرى ايام الفراعنه فمعناها فرحى.

و بعد الانتصار الكبير اللى حققه المصريين بقيادة الملك أحمس ع المحتلين و طرده الهكسوس من البلاد خرج المصريين عشان يحيو امه الملكه إياحه شايلين فوانيس و بيغنو وحوى يا وحوى إياحه اللى معناها فرحى يا فرحى قمر عشان البطوله و التضحيات الكبيره للملكه اياحه اللى قدمتها فدا الوطن