ميدان رمسيس

ميدان رمسيس هو واحد من ميادين وسط القاهره و فيه فيه محطة مصر اللى هى محطة القطارات المركزية لجميع مناطق مصر . كان فيه فى الماضى تمثال لرمسيس التانى ونافورته المشهوره لاكن أتنقل سنة 2006 للمتحف المصرى الكبير.

ميدان رمسيس
اتسمى باسم	رمسيس التانى
البلد	مصر
التقسيم الاعلى	القاهره
إحداثيات	30°03′49″N 31°14′50″E
تعديل

ميدان رمسيس فى الماضى

تاريخ الميدان

كان ميدان رمسيس قرية اسمها "ام دنين"، اللى كان فيها جامع اتسمى بجامع "أولاد عنان"،اللى هو جامع الفتح حاليا.

وفى عهد محمد على باشا كان ميدان رمسيس متنزة عام، وفى عهد عباس الاول اتشق شارع رمسيس واللى اتسمى بشارع عباس الاول ووصل لمنطقة "الريدانية" العباسيه حاليا، كمان أنشئت محطة مصر بعد توقيع الخديو عباس لاتفاقية مع الحكومة الإنجليزية لإنشاء خط للسكك الحديدية بين القاهرة واسكندرية.

وفى عهد الملك فاروق الاول ا تغير اسم الشارعإلشارع "الملكة نازلى" والدة الملك فاروق.

وبعد وضع تمثال " نهضة مصر" فى وسط الميدان للمثال المصرى العالمى محمود مختار فى سنة 1926م اللى أزاح عنه الستار سعد باشا زغلول اتسمى الميدان بميدان نهضة مصر وشارع نهضة مصر.

وبعد قيام ثورة 23 يوليه اتنقل تمثال نهضة قدام جنينة الحيوان بالجيزة، واتوضع تمثال رمسيس التانى ، واستقر اسم شارع رمسيس وميدان رمسيس لغاية دلوقتى.

شوف

ميادين القاهره