دبلوماسى وسياسى مصرى From Wikipedia, the free encyclopedia
محمد مصطفى البرادعى (اتولد فى الجيزة - مصر 17 يونيه 1942) قانونى و ديبلوماسى مصرى, و مدير عام سابق لوكالة الطاقه الذريه الدوليه (IAEA) التابعه لـ الامم المتحده من 1 ديسمبر 1997. كرمه العالم بمنحه جايزة نوبل للسلام سنة 2005 هوه و الوكاله الدوليه عشان جهوده و الوكاله لمنع انتشار السلاح النووى.
| |||||||
|---|---|---|---|---|---|---|---|
  | |||||||
| معلومات شخصيه | |||||||
| الميلاد | 17 يونيه 1942 (82 سنة)[1][2][3] | ||||||
| الاقامه | النمسا | ||||||
| مواطنه |  | ||||||
| عدد الاولاد | |||||||
| مناصب | |||||||
| نائب رئيس الجمهوريه فى مصر | |||||||
| في المنصب 14 يوليه 2013 – 14 اغسطس 2013 | |||||||
|
|||||||
| الحياه العمليه | |||||||
| المدرسه الام | جامعة القاهره مدرسه حقوق جامعة نيو يورك | ||||||
| المهنه | سياسى ، وقانونى | ||||||
| الحزب | حزب الدستور | ||||||
| اللغه الام | عربى | ||||||
| اللغات المحكيه او المكتوبه | انجليزى [4]، وعربى | ||||||
| موظف فى | الأمم المتحده | ||||||
| الجوايز | |||||||
| جايزة نوبل فى السلام (2005)[5][6] | |||||||
| المواقع | |||||||
| الموقع | الموقع الرسمى (عربى ) | ||||||
| IMDB | صفحته على IMDB | ||||||
تعديل مصدري - تعديل  | |||||||
محمد البرادعى كان المدير العام الرابع لوكالة الطاقه الذريه الدوليه و مسك المنصب دا من 1 ديسمبر 1997 لحد 30 نوفمبر 2009 و انتخبو مكانه الدبلوماسى اليابانى يوكيا امانو.
الجمعيه الوطنيه للتغيير هو تجمع من مثقفين و سياسيين و ادبا و صحفيين و ممثلين مصريين هدفهم التغير السياسى و تطور و تقدم مصر. اعضاء الجمعيه العموميه بيتكونوا من احزاب وحركات سياسيه بيتفقوا على فكرة واحدا وهدف واحد و هو التغير السياسى فى مصر, الجمعيه الوطنيه بتضم حركات و احزاب ليبراليه وليبراليين زى (حزب الجبهه الديموقراطيه و حزب الغد و حركة كفايه و حركة شباب 6 ابريل و محمد البرادعى و غيرهم...) و حزب الكرامه و التجمع الناصرى. الجمعيه بتضم ليبرالين و اشتراكيين و شيوعيين متفقين على التغير السياسى فى مصر. الجمعيه الوطنيه بيرئسها الدكتور محمد البرادعى المدير السابق لوكالة الطاقة الذريه و كان مرشح رئاسى محتمل لانتخابات الرئاسه المصريه 2011و لكنه تراجع. الجمعيه الوطنيه ليها فروع و ممثلين فى محافظات مصر و بره مصر كمان زى (امريكا, بريطانيا, كندا, اوستراليا, الكويت, قطر, السعوديه).
فى 25 يناير 2011 قامت فى مصر انتفاضه بتطالب بتنحى الرئيس حسنى مبارك فرجع محمد البرادعى مصر طوالى من مقر اقامته فى النمسا و اتقال ان اقامته اتحددت لكن ظهر فى الشارع بس ما انضمش للمعتصمين فى ميدان التحرير و ظهوره بقى قليل و و رفض انه يشارك فى حوار قبل تنحى مبارك و اتوجهت له انتقادات بإنه وصولى و انتهازى بس فى مصادر بتقول ان الشباب منعوه لانهم خايفين على حياته.فى 19 مارس لما راح البرادعى يقول صوته فى الاقتراع على التعديلات الدستوريه اتعرض لإعتداء بالطوب رماه عليه مناؤيين ليه و اضطر يمشى من المكان بسرعه .فى 14 يناير 2012 اعلن انه مش حيشارك فى الانتخابات اللى قال عليها انها تمثيله و ان الفترة الانتقاليه مش واضحة ولا منظمة و ان مش حيبقى فيه انتخابات فى جو ديموقراطى تحت حكم المجلس العسكرى. اتعلن انه حيشارك فى تأسيس حزب سياسى مع مجموعة من المثقفين و نشطاء من كل التيارات السياسيه و انه حيبقى وكيل المؤسسين للحزب و ان الحزب هدفه يحقق اهداف ثورة 25 يناير.
فى نص يونيه 2011 خرجت مسودة البرادعى اللى بيسميها الوثيقه الحقوقيه. فى المسوده دى أكد البرادعى على الماده التانيه من الدستور بإن : " الاسلام دين الدولة، واللغة العربية لغتها الرسمية، ومبادئ الشريعة الاسلامية المصدر الرئيسى للتشريع " ، و بكده بالمسوده دى ما اختلفش كتير عن المنظمات و الاحزاب الدينيه اللى بتطالب بنفس النقط.
حزب الدستور هو حزب سياسى مصرى . اعلن تأسيسه محمد البرادعى مع مجموعة مثقفيين و نشطاء زى الدكتور علاء الاسوانى و الدكتور حسام عيسى و الاعلامية جميلة اسماعيل و الدكتور احمد حرارة و السفير سيد المصرى و الدكتور محمد يسرى سلامة و غيرهم. الحزب اعلن عنه 28 ابريل 2012 و ان من اهدافه ان يبقى فيه عمل سياسى منظم ، انقاذ ثورة 25 يناير اللى انحرفت عن مسارها و قربت على فشلها ، و تحقيق شعارات الثورة " العيش- الحرية- الكرامة الانسانية" ، و ان الحزب عايز يجمع الشعب المصرى و ينقل السلطة لجيل الشباب و بنا كوادر وقيادات من الشباب. الحزب اعلن انه مش متمسك بـ ايديولوجيا معينه و انه بيسعى لضم و توحيد الشعب المصرى و تحقيق العدل و الديموقراطيه و المساوة بين كل المصريين بغض النظر عن دينهم او افكارهم او لونهم.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
