شخصيه من العهد الجديد From Wikipedia, the free encyclopedia
متياس او متيا Matthias كان من الشخصيات المذكوره فى العهد الجديد فى سفر اعمال الرسل, هوا واحد من رسل المسيح الاتناشر اتميز بوضع خاص فهوا الوحيد اللى ما اختاروش يسوع يكون من الاتناشر, و تم اختياره من التلاميذ ياخذ مكان يهوذا الاسخريوطى اللى كان انتحر بعد ما سلم يسوع لليهود.
بيروى كتاب العهد الجديد فى سفر اعمال الرسل .[3] قصة اجتماع الرسل و اقتراح سمعان بطرس عليهم اختيار واحد من اتباع المسيح اللى آمنوا بيه من بدء دعوته يكون واحد من التلاميذ الاتناشر بدل عن يهوذا الاسخريوطى, و استشهد بطرس بنص من المزامير بيقول بضرورة ياخد اخر وظيفه الخاين, و تم انتخاب متياس و برنابا للمنصب و القو القرعه بينهم فوقعت على متياس اللى بقى بيعتبر من جماعة الرسل الاتناشر ,اسمه متياس هوا اللفظه اليونانيه للاسم العبرى متيثيى و معناه عطيه الله, و كان متياس من جملة تلاميذ المسيح السبيعين, و كان بيتبع يسوع من عماده فى نهر الاردن على ايد يوحنا المعمدان لحد صعوده للسما [4]
بحسب نيسوفورس Nicephorus فمتياس بشر بالمسيحيه فى اليهوديه و بعد كده فى اثيوبيا و هناك اعدم صلبا, و فيه تقليد تانى بيروى قصه رجم متياس فى اورشليم و قطع راسه بايد اليهود, و بيعتقد بان القديسه هيلانه جلبت رفاته الى روما و بعد كده حفظ قسم منها فى مدينه ترير Trier غرب المانيا, ويشك بولاندوس Bollandus بان الجثمان المحفوظ فى روما مش للرسول متياس الرسول لكن للقديس متياس اللى كان اسقف على اورشليم حوالى سنة 120 م, و اللى خلط احيانا بين سيرة حياته و سيرة حياة متياس الرسول. بتحتفل الكنيسه الكاثوليكيه بعيده فى 14 مايو والكنيسه الارثوذكسيه فى 9 اوغسطس.
| ||||
---|---|---|---|---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.