كنيسة القديس برفيريوس

كنيسة القديس برفيريوس هيا كنيسة أرثوذكسية شرقية فى حى الزيتون فى مدينة غزة هيا أقدم كنيسة فى المدينه، سميت الكنيسة نسبة ل القديس برفيريوس ،( بورفرى من غزه) اللى دفن فيها، قبر القديس موجود فى الزاوية الشمالية الشرقية للكنيسة.^[1]

كنيسة القديس برفيريوس
البلد	دولة فلسطين
التقسيم الادارى	غزه
الابرشيه	غزه
التأسيس	القرن 12
اتسمت لـ	بورفرى من غزه
إحداثيات	31°30′14″N 34°27′43″E
تعديل

القديس برفيريوس

يرجع تاريخ البناء الأصلى لكنيسة القديس برفيريوس لسنة 407 م فوق معبد وثنى خشبى يرجع لفتره سابقة. البناء الحديث قام به الصليبيين فى خمسينيات أو ستينيات القرن الحداشر و أهدوها للقديس برفيريوس. تُظهر السجلات من القرن الخمستاشر أن تكريس الكنيسة كان كمان يعتبر شهادة للسيدة العذراء. تم تجديد الكنيسة فى سنة 1856 لكن تحتوى بعض الأفاريز والقواعد اللى تعود لالفترة الصليبية. وتعتبر الكنيسة الأصلية تالت أقدم كنيسة فى العالم.^[2]

الحرب على غزه 2014

فى سنة 2014، فر حوالى 2000 فلسطينى من القصف الإسرائيلى اللى اتسبب فى مقتل اكتر من 70 فلسطينى ولجأوا لمجمع كنيسة القديس برفيريوس. وفى وقت التفجيرات، كانت العائلات تنام فى أروقة وغرف الكنيسة والمبانى المجاوره، وكمان كانت تقدم لهم الوجبات والرعاية الطبية.^[3]

حادثة القصف فى 2023

استُخدِم مجمع الكنيسة مره تانيه كملجأ من القصف الإسرائيلى خلال الحرب الفلسطينية الإسرائيلية 2023.^[4]

تعرضت الكنيسة فى 19 من اكتوبر سنة 2023 للقصف بعد عملية طوفان الأقصى ب 14 يوم اللى قامت بيها حركة حماس على إسرائيل. ففى مساء 19 من اكتوبر اتعرضت الكنيسة للقصف من قِبل طيارات إسرائيلة بعد مطالبات من الجانب الإسرائيلى من بطريركية الروم الارثوذكسية فى القدس لإخلاء دى المؤسسات من المدنيين وقالت البرطريركية: "نحن مصممين على مواصلة أداء واجبنا الدينى والأخلاقى بتقديم المساعدة والدعم والمأوى للأشخاص اللى يحتاجون ليها". و قال الجيش الإسرائيلى: "إن حماس تتعمد وضع قواعدها فى مناطق مدنية وتستخدم سكان قطاع غزة كدروع بشرية". و أدى القصف لتدمير جزء من مبنى الكنيسه و عدد من القتلى والجرحى.^[5]

كنايس غزه

• كنيسة القديس برفيريوس
• كنيسة العائله المقدسه للاتين (غزه)
• الكنيسة المعمدانيه

المراجع

1. "معلومات عن كنيسة القديس برفيريوس على موقع pleiades.stoa.org". pleiades.stoa.org. Archived from the original on 26 اكتوبر 2020.
2. https://www.alaraby.co.uk/%D9%83%D9%86%D9%8A%D8%B3%D8%A9-%D8%A7%D9%84%D9%82%D8%AF%D9%8A%D8%B3-%D8%A8%D8%B1%D9%81%D9%8A%D8%B1%D9%8A%D9%88%D8%B3-%D8%AB%D8%A7%D9%84%D8%AB-%D8%A3%D9%82%D8%AF%D9%85-%D9%83%D9%86%D8%A7%D8%A6%D8%B3-%D8%A7%D9%84%D8%B9%D8%A7%D9%84%D9%85-%D9%81%D9%8A-%D8%BA%D8%B2%D8%A9?amp Archived 2023-05-03 at the Wayback Machine
3. "Israel-Gaza conflict: Greek Orthodox church of St Porphyrios becomes a". The Independent (in الإنجليزية). 2014-07-28. Archived from the original on 29 اكتوبر 2023. Retrieved 2023-10-25.
4. "استهداف أقدم كنيسة بغزة.. لما لا يميز القصف بين البشر والحجر". www.aljazeera.net (in العربية). Archived from the original on 29 اكتوبر 2023. Retrieved 2023-10-25.
5. "كنيسة القديس برفيريوس تعلن تعرضها لـ"قصف".. و إسرائيل تعلق". CNN Arabic (in العربية). 2023-10-20. Archived from the original on 2023-10-20. Retrieved 2023-10-20.