From Wikipedia, the free encyclopedia
قناة الدانوب - البحر الاسود (بالرومانى:Canalul Dunăre–Marea Neagră) هى قناه صناعيه فى رومانيا بتربط بين نهر الدانوب و البحر الاسود .القناه اتفتحت للملاحه سنة 1984 و بيوصل طولها لـ 64 كم و عرضها لـ 70-90 متر و عمقها لـ7 متر فى المتوسط.
.jpg)
القناه بتختصر حوالى 400 كم من المسافه على السفن اللى جايه من كونستانتسا على البحر الاسود لحد تشيرنافودا على الدانوب . فى سبب تانى لحفرها غير المسافه و هو تسهيل الملاحه على السفن لان نهر الدانوب خطير جدا على السفن انها تبحر فيه فى المنطقه دى.
القناه اتحفرت فى 9 سنين ، شارك فى الحفر حوالى 30,000 عامل و مهندس و استخدمو 4.2 مليون م3 من الخرسانه المسلحه عشان يدعمو جدرانها.
ابتدو الرومانيين يفكرو فى حفر القناه دى ما بين سنة 1845 و 1850 بس صرفو النظر عن الفكره بعد سنة 1860 لما اتبنت خطوط سكه حديد بتربط كونستانتسا المينا الرئيسى بنهر الدانوب.حصل كذا اقتراح بعد كدا بس كانت ما بتححقش لسبب او لتانى لحد ما مسك الشيوعيين الحكم فى رومانيا و خدو قرار بحفر القناه فى 25 مايو سنة 1949.
قناة الموت (Canalul Morţii) هو الاسم اللى اتشهرت بيه القناه ما بين سنة 1949 و 1953. السبب فى كدا هو النظام الشيوعى اللى كان بيحكم فى رومانيا فى الوقت دا و كان بيعاقب المعارضين السياسيين بانه بيبعتهم على معسكرات الاعمال الشاقه و من ضمن الاعمال الشاقه دى كان حفر القناه بين الدانوب و البحر الاسود.شارك فى العمليات دى حوالى 40,000 مات منهم اعداد كبيره جدا بسبب سوء التغذيه و انتشار مرض السل بينهم . اتوقف الشغل فى القناه نهائيا سنة 1953 بسبب الفشل الكبير فى تحقيق المعدلات المطلويه مع ان البروباجاندا الشيوعيه كانت بتدعى ان الشغل بيتحقق بنسبة 170 %.فى سنة 1976 رجع نيكولاى تشاوشيسكو الشغل من تانى و جاب الات و ماكينات حديثه و فعلا خلص الفرع الجنوبى من القناه سنة 1984 و الفرع الشمالى سنة 1987.
القناه بتبتدى من نهر الدانوب عند مدينه اسمها تشيرنافودا و بتمتد لحد ما توصل لمدينه اسمها بوارتا البا او البوابه البيضا (Poarta Albă) و هناك بتتفرع لرفرعين :
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
