From Wikipedia, the free encyclopedia
ڤيروس زيكا بالانجليزى: Zika virus هو فيروس جديد تبع عيلة الفيروسات المُصفرة وبيتصنف تبع جِنس الفَيروس المُصفر.
الفيروس دة بيجيب فى الناس مرض خفيف اسمه حُمى زيكا أو مرض زيكا أو مَرض فيروس زيكا وقدرو يحددوه ويتعرفو عليه بين سنه 1950 وسنه 1960 فى المناطق المدارية فى افريقيا وآسيا، وفي سنه 2014م انتشر الفيروس فى الشرق مع المجيط الهادى بعدين لـبولينزيا الفرنسية، بعدين لـجزيرة القيامة، وفي سنه 2015م، انتشر المرض فى الـمكسيك وأمريكا الوسطى ومنطقة البحر الكاريبي، وأمريكا الجنوبية، عشان كدة اعتبرو المرض دة مرض وبائي. [4]
فيروس زيكا مرتبط بفيروس الضنك وفيروس الحُمى الصَفراء وفيروس التهِاب الدماغ الياباني وفيروس غرب النيل،[5] كمان حُمى زيكا شبه حُمى الضنك،,[5][6] عشان بيتعالج فى وقت الراحة ومفيش لحد دلوقتى علاج بيحمى من المرض ولا أدوية ولا لقاحات. وفيه احتمال وجود علاقة بين حُمى زيكا وَصِغر الرأس فى الأطفال اللى بيتولدو جديد، عشان دة بيحصل بسبب انتقال العدوى من الأُم للطِفل،[7][8][9] والانسان ممكن تجيله حمى زيكا بسبب اصابته باضطراب عصبي بالذات فى الكبار، زى مُتلازمة غيلان باريه.[10]
في شهر يناير 2016 المراكز الأمريكية لِمُكافحة الأمراض والوقاية مِنها (CDC) طلعت ارشادات السفر للبلاد والدول الل فيها انتشاء وبائي، وكمان طلعت أهم الاحتياطات الجديدة والمبادئ التوجيهية للستات الحوامل وكانت أهمها "الاحسن تأجل السفر"،[11][12] وحكومات كتير ووكالات صحية طلعت تحذيرات من السفر،[13][14][15] وكمان دول زي كولومبيا وجمهورية الدومينيكان والاكوادور والسِلفادور وكمان جامايكا نصحت الستات بتأجيل الحمل لحد ما يعرفو مخاطر المرض بشكل أحسن.[14][16]
يفيروس زيكا فى نفس الصفة مع الفيروسات التانية فى العيلة دي وهو فيروس ريبوزي موجب متغلف مش متقسم مُتعدد الأوجه أحادي السلسلة، وهو كدة شبه فيروس سبوندويني خالص.[17][18]
في سنه 1947، العلماء اللى كانو بيدورو فى الحمى الصفراء حطو قرد مكاك ريسوسي فى قفص فى غابات الزيكا (زيكا معناها "متضخم" فى اللغة اللوغاندية)، جنب معهد أبحاث الفيروسات الشرق أفريقي فى انتيبي، أوغندا. القرد جاتله الحمى، الباحثين شالو من مصله سنهل انتقالي واتوصف أول مرة باسم فيروس زيكا سنه 1952.[19] فى نيجيريا سنه 1954، اتعزل الفيروس أول مرة من الانسان. ومع كدة، طلعت دراسة قديمة سنه 1952 اتعملت فى الهند وضحت ان عدد كبير من الهنود كان عندهم استجابة مناعية لفيروس الزيكا، ودة معناه ان الفيروس كان منتشر جامد فى البشر من زمان.[20]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.