فؤاد عزيز غالى
From Wikipedia, the free encyclopedia
From Wikipedia, the free encyclopedia
فؤاد عزيز غالى ، الفريق ، ( المنيا ، 1927 - 2000 )، قائد عسكرى مصرى كبير شارك فى حرب اكتوبر 73 و قاد الفرقه 18 مشاه اللى حررت مدينة القنطره شرق من القوات الاسرائ بعديه يوم 7 اكتوبر. اخد وسام نجمة الشرف.
اتولد فؤاد عزيز غالى فى المنيا فى صعيد مصر ، و بعد ما خلص دراسته الثانويه كان عايز يدخل كلية الطب لكن شاءت الظروف انه يدخل الكليه الحربيه فى القاهره عشان يخدم فى الجيش المصرى. بعد ما اتخرج شارك فى حروب 1948 و 1956 و فى حرب 1967 كان رئيس لعمليات الفرقة التانية مشاه.
فى حرب اكتوبر 1973 قاد الفرقه 18 مشاه و اتكلف بعبور قناة السويس بقواته فى منطقة القنطره و تدمير النقط الاسرائ بعديه فيها فقام بالمهمه على اكمل وجه. بعد عبور قناة السويس استولى على نقط حصينه فى القنطره واحد و بعدين استولى على ست نقط حصينه و راس كوبرى و قدر يصد هجوم اسرائيلى و دمر 37 دبابه فى القنطره تلاته و حاصر القنطره شرق لغاية ما اقتحمها يوم 7 اكتوبر وقت المغربيه وحررها و حافظ عليها طول فترة الحرب و ما قدرش الاسرائيليين يستردوها منه و قدر يأمن منطقة شمال قناة السويس من القنطرة لغاية بورسعيد و يتصدى ببساله لكل هجمات الاسرائليين المضاده و لعب دور فى اسر كتيبه اسرائ بعديه مدرعه كامله بما فيها قائدها عساف ياجورى .
فى 12 ديسمبر 1973 اتعين قائد للجيش التانى الميدانى و اتكرم عسكرى و اخد وسام نجمة الشرف.
بعد توقيع اتفاقية السلام و استردت مصر بقية سينا اتعين محافظ لمحافظة جنوب سينا وفضل فى المركز ده لغاية ما طلع على المعاش سنة 1983 ، لكن فضل نشيط فى حضور الندوات و القاء المحاضرات العسكريه.
نجمة سيناء من الطبقة الأولي
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
