سقراط

سوقراط Socrates (باليونانى :Σωκράτης ، سوكراتيس) ( حوالى 469 ق م – 399 ق م) كان من واحد من اهم الفلاسفة الكلاسيكيين فى اليونان القديمه و بيعتبروه ابو الفلسفه الغربيه.حياته و موته و شخصيته و تفكيره كلهم كان ليهم تاثير عميق جدا على الفلسفه القديمه و الحديثه.سوقراط عاش و مات من غير ما يكتب و لا كتاب و كل ما وصل الينا من معلومات متوافره عنه جت عن طريق الحوارات والنصوص و الحكايات اللى دونها تلامذته وراه و هو بيتكلم معاهم.

سقراط
معلومات شخصيه
الميلاد	سنة 469 ق م [1]  اتينا [2]
الوفاة	15 فبراير 399 ق م [3]  اتينا
سبب الوفاة	اعدام بشرب السم
الزوج/الزوجه	زنتيب
الحياه العمليه
تلاميذ مشهورين	افلاطون ، وكسينوفون ، وانتيستنيس ، واريستبوس ، وايسقراط ، واوكليد اوف ميجارا ، وفايدو اوف اليس ، وايسكينيس اوف سفيتوس ، الكيبيادس
المهنه
اللغات المحكيه او المكتوبه	لغه يونانى قديم [4]
مجال العمل	فلسفه
اتأثر بـ	اناكساجوراس ، وفلاسفه ما قبل سقرط ، سوفسطائيين
المواقع
IMDB	صفحته على IMDB
تعديل مصدري - تعديل

من ابرز التلامذه اللى عرفو العالم بيه زينوفون و افلاطون فى كتابه حوارات سوقراط.حياة سوقراط الطويله انتهت بشكل صدم تلامذته و محبينه.حاكموه بتمهة تبويظ شباب اثينا و تحريضهم على الالهه و حكمو عليه بالاعدام و هو راجل عجوز عمره فوق السبعين سنه.الراجل العجوز دافع عن نفسه دفاع قوى و عقلانى اتدون فى كتب دفاع سوقراط و فى الاخر شربوه السم و مات بعد ما رفض محاولة الهروب اللى دبرها له تلامذته.

سوقراط كان ابن سوفرونيسكوس اللى كان بيشتغل نحات و فايناريتى اللى كانت بتشتغل دايه. مرات سوقراط كان اسمها زانتيبى و كان عنده تلات اولاد.

سوقراط شبه طريقته فى التفلسف و كأنه زى امه اللى كانت بتشتغل دايه ، بتساعد الستات على الولاده و هو كمان كان بيساعد الناس التانيين انهم يولودو افكارهم الخاصه بيهم ، و اضاف بسخريته المعروفه ان الافكار دى فى الغالب بتتولد ميته. سوقراط اسس علم نقاش جديد اسمه طريقة سوقراط.