From Wikipedia, the free encyclopedia
الجيوفيزياء هوا واحد من العلوم الطبيعيه اللى مهتم بدراسة الخصائص الفيزيائيه للارض و البيئه المحيطه بيها ف الفضا و استخدام الاساليب الكمية لتحليلهم. الجيوفيزيائيين فى العاده بيدرسو الجيوفيزيا او الفيزيا او واحد من علوم الارض على مستوى الدراسات العليا، بيخلصو تحقيقات ف مجالات علميه واسعه جدا.
علم الجيوفيزياء كان بيشير تقليديا لتطبيقات الارض الصلبه: شكل الارض و حقولها زى الجاذبيه و المغناطيسيه و الكهربائيه و الدينامكيه الداخليه و تركيبتها و التعبير عنها ف صفائح تكتونيه و توليد الحمم البركانيه و البراكين و تكوين الصخور. بس النهارده المنظمات الجيوفيزيائيه و العلما بيشملو تعريف اوسع زى دورة الميه بما فيها الثلوج و الجليد، ديناميكا المحيطات و الغلاف الجوى، الكهربا و المغناطيس ف طبقة الايونوسفير و الحقل المغناطيسى للارض و الفيزيا بين الشمس و الارض، و المشاكل اللى زيها المرتبطة بالقمر و الكواكب التانيه.[1]
على الرغم ان علم الجيوفيزيا متعرفش كتخصص منفصل فى القرن التسعتاشر، بس اصوله بترجع للعصور القديمه. من ايام اول بوصلات مغناطيسيه اخترعت كانت بتتعمل من حجارة المغناطيس، و بوصلات المغناطيس الحديثه لعبت دور كبير فى تاريخ الملاحه. و اول آلة لقياس الزلازل بنوها ف سنة 132 ميلادى.
اسحاق نيوتن استخدم نظريته فى الميكانيكا عشان يشرح حركة المد و الجزر و حركة انحدار مدار الاعتدال؛ و كمان تم تطوير اجهزه لقياس شكل الارض و كثافتها و حقل الجاذبيه بتاعتها، و عناصر دورة الميه على الارض. فى القرن العشرين، تم تطوير اساليب جيوفيزيائيه جديده لاستكشاف الارض و المحيط ، و الجيوفيزيا لعبت دور مهم ف تطور نظرية الصفائح التكتونيه.
الجيوفيزيا بتتطبق علشان الاحتياجات الاجتماعيه، زى استخراج الموارد المعدنيه و تقليل مخاطر الكوارث الطبيعيه و حماية البيئه. ف جيوفيزيا الاستكشاف، بيستخدمو بيانات المسوحات الجيوفيزيائيه عشان يحللو مكامن البترول و ترسبات المعادن، يعرفو مواقع الميه الجوفيه علشان يلاقوا الآثار، يحددوا سماكة الجليد و التربه، و يقيمو مواقع اصلاح البيئه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
