بديعه مصابنى

بديعه مصابنى (1892 - 1974) ممثله استعراضيه و رقاصه لبنانيه قضت حياتها فى مصر.

• ابتدت كممثله صغيره فى فرقة جورج ابيض
• قامت ببطولة مسرحية "الليالى الملاح" لمسرح الريحانى
• اشتغلت رقاصه و ممثله استعراضية فى المسرح والسينما
• اتجوزت نجيب الريحانى لفترة
• ابتدعت رقصه شرقيه خاصه بيها اتعرفت باسم رقص بديعه سنه 1929
• افتتحت صالة للرقص باسم كازينو بديعة اتخرج منها اشهر نجوم الاستعراض فى مصر و اكتشفت فيها عدد كبير من نجوم الفن زى فريد الأطرش و تحيه كاريوكا و ساميه جمال و هاجر حمدى و اسماعيل ياسين
• اخدت الجنسيةالمصريه
• أخرج حسن الامام فيلم عن حياتها

بديعه مصابنى
معلومات شخصيه
الميلاد	1 فبراير 1892   دمشق
الوفاة	23 يوليه 1974 (82 سنة)[1]  زحله
مواطنه	امبراطوريه عثمانيه
الزوج	نجيب الريحانى
الحياه العمليه
المهنه	رقاصه ،  وممثله ،  ومغنيه [2]
المواقع
IMDB	صفحتها على IMDB
السينما.كوم	صفحتها على السينما.كوم
تعديل مصدري - تعديل

نادره وبديعه مصابنى

حياتها

اتولِدت بديعة مصابنى فى دمشق سنة 1894، ولما بلغتِ الخامسة من عمرها هاجرتْ مع أهلها لالأرجنتين، وتعلَّمتْ هناك القراءة والكتابة واللغة الاسبانية، ولما بلغتْ أشُدَّها رجعت لمصر لتعيش مع خال والدتها، اللى كان يسكن بجوار مسرح جنينة الأزبكية حيث يعمل جورج أبيض، فتعرَّفت عليه بديعة عن طريق فؤاد سليم، وابتدت عملها الفنى مع جورج أبيض لمدة 3 أشهر بدون أجْر.

بدأ نجم بديعة مصابنى يتألَّق فى الساحة المسرحية سنة 1912، لما انضمَّتْ لفرقة نجيب الريحاني، و كان يُطلَق عليها وقتها لقب «عروس المراسح السورية». وزاد من تألُّقها فى التمثيل المسرحى زواجها من الريحانى فى سبتمبر 1924، حيث قامت ببطولة أغلب مسرحيات الفرقة، ومنها: «الحلاق الفيلسوف»، «ريا وسكينة»، «أفوتك ليه»، «دقة المعلم»، «البرنسيس»، «الليالى الملاح»، «الفلوس»، «مجلس الأنس»، «لو كنت ملك»، «كشكش فى الجيش»، «الشاطر حسن».

وفى سنة 1925 تكوَّنت فرقة جديدة قوامها: أمين صدقى ونجيب الريحانى وبديعة مصابنى وفتحية أحمد، وقدَّمت شوية مسرحيات تألَّقتْ فيها بديعة مصابني، ومن أهمها: «قنصل الوز»، «مراتى فى الجهادية»، «حلاق بغداد»، «الأمير»، «أيام العز».

وفى سنة 1925 انفصلت بديعة عن زوجها نجيب الريحانى — ولم تُرزق بأولاد منه، لكن تبنَّتْ فتاة اسمها جوليت — وقرَّرت تأليف فرقة غنائيه تقدِّم من فىها الطقاطيق والمنولوجات الغنائيه، فكان ده القرار بداية انشاء صالة بديعة مصابني.

ابتدت بديعة الشغل فى موسم 1926-1927 بصالتها اللى كانت فى شارع عماد الدين، بين مسرحَيِ الماجستيك وسميراميس، وتم افتتاحها فى 4 نوفمبر 1926، بغناء ورقص من بديعة، و غناء جميل عزت. وفى الأسبوع اللى بعد كده أضافت لبرنامجها مسرحية «لهيب الحب». وبمرور الوقت انضمت لالصالة فاطمة سرى وكريمة ديمترى كمطربتين، بجانب الموسيقيين: ابراهيم العريان، زكى عزت، محمد هارون.

وفى موسم 1927-1928 ابتدت بديعة تخصِّص بعض الحفلات للستات بس، وذلك كل يوم ثلاثاء من كل أسبوع. كمان أضافت لالصالة المطربات مارى وفتحية أحمد وسمحة البغدادى ومفيدة أحمد، والمطرب محمد عبد الوهاب، والراقصات ليلى وشفيقة وليلى مراد و أفرانز هانم. و كانت صالتها تبتكر فى الرقص، فتطلق أسماء رقصات بقت مألوفة فى ده الوقت، مثل: رقصة البدو، ورقصة الغزال، ورقصة الطاووس، ورقصة الرياضي، ورقصة الريفية، ورقصة الشارلستون. وفى صيف ده الموسم افتتحت بديعة صالتها بالسلسلة فى الاسكندرية، و أضافت ليها مقهًى شعبى وجنينةً مفتوحةً ليل ونهار.

استمرَّت بديعة فى عملها بصورة متقطعة، لحد توقفت تمام واعتزلت الفن سنة 1951، بعد ما باعت كازينو الأوبرا لببا عز الدين بمبلغ عشرين ألف جنيه، و بعد ما حققت ثروة كبيرة، جمعتْها من تردُّد قوات الحلفاء عَلَى صالتها وقت الحرب العالميه التانيه. واستطاعتْ بديعة أن تَخرُج بهذه الثروة من مصر بدون ما تدفع الضرائب المستحَقَّة عليها، ومُنِعت من دخول مصر. و فضلت بديعة فى لبنان، حيث أقامت مزرعة واستراحة فى منطقة شتورة، لحد ماتت فى واحده من المستشفيات اللبنانية سنة 1974.

انتهى دور بديعة مصابنى الفنى اللى جمع نخبة من الممثلين والملحنين والمطربين والمطربات والموسيقيين والراقصات والاداريين، ومنهم: ابراهيم العريان، ابراهيم حمودة، أبو العلا علي، أحمد الحفناوي، أحمد بيه، أحمد شريف، أحمد عبد الله، أحمد غانم، اسماعيل ياسين، أسمهان، أفرانز هانم، امتثال فوزي، أليس فاي، أناميرا، أنصاف منير أحمد، أوزيتا مونتجرو، ايرانيان نجاة، ايزا، ايزابيل ديمتري، ايمى زنكوزي، امتثال، ببا ابراهيم، ببا عز الدين، بثينة، بديعة صادق، بشارة واكيم، بهية أمير، تحية كاريوكا، توحيدة، تيتي، ثريا حلمي، جمالات حسن، جميل عزت، حبيب الحاج، حسن سلامة، حسين ابراهيم، حسين المليجي، حكمت فهمي، حكمت كامل، حورية محمد، خيرية صدقي، دولت حسن، ربابة طلعت، رجاء توفيق، رجاء عبد الحميد، رفقي، رمزية علي، روحية فوزي، زكى عزت، زوزو شمس الدين، زوزو محمد، زينات صدقي، زينب عبده، سارة، سامية جمال، سعاد مكاوي، سمحة البغدادي، سميرة أمين، سنية شوقي، سيد سليمان، سيد الصفتي، شفيقة، صالح عبد الحي، صفية حلمي، عبد الحليم القلعاوي، عبد الفتاح القصري، عزت الجاهلي، عفيفة اسكندر، عقيلة محمد، عيوشة نبيل، فاطمة سري، فتحية أحمد، فتحية رشدي، فتحية شريف، فتحية فؤاد، فتحية محمود، فريد الأطرش، ألفريد حداد، فريد غصن، فهمى أمان، فيروز، فيوليت صيداوي، قدرية حلمي، كارم محمود، كريمة أحمد، كريمة ديمتري، كهرمان، كيكي، لطيفة نظمي، ليلى الشقراء، ليلى مراد، مادلين ويكيلي، مارى جبران، مارى جورج، مارى هند، محمد الجندي، محمد سليمان، محمد عبد المطلب، محمد عبد الوهاب، محمد كمال المصري، محمد هارون، محمود التوني، محمود شريف، مرجريت صغير، مفيدة أحمد، ملكة جاجاتي، موريس قصيري، ميدي، ميمى مارتنس، نادرة، نادية، نجوى، نعمات سامي، نعمات المليجي، نعيمة عاكف، نينا، هاجر حمدي، هجران هانم، هدى شمس الدين، هيدي، هيلى هاريس.

افلامها

• ابن الشعب 1934
• ملكة المسارح 1936
• الحل الاخير 1937
• ليالى القاهرة 1939
• فتاة متمردة 1940
• ام السعد 1946

مسرحياتها مع فرقة الريحانى

• الشاطر حسن
• ايام العز
• ريا وسكينة
• البرنسيس
• الفلوس ومجلس الأنس

اشهر اعمال الست بديعه مصابنى

• البدر طلع غنوا له
• القطن
• آدى بديعه
• الشارلستون
• الحظ مستشفى الزعلان
• الغيره نار
• بس بس نو
• بريه م اللفنديه
• تقل و بغدده
• خدوا بالكم من قولى
• رقص بديعة
• غنى يا بلابل
• مين اللى كابس طربوشه
• مزيكة بديعة
• هات لى شمعه تنور لى
• يا اهل القانون
• ياما سهرت ليالي,عليك

شوف كمان

• شخصيات مصريه مشهوره
• رواد الغناء فى القرن 19

صور

• 
  بديعه يوم زفافها
• 
  Advertise the Casino Opera in the French-speaking Egyptian magazine IMAGES (Le Caire-Egypte),N.596, from 10 February 1941.
• 
  Advertise of the Badia's Masabni "Casino Opera" in Cairo-Egypt. from the Egyptian newspaper Progres Egyptien, from 3 September 1941.
• 
  Advertise of the Badia's Masabni "Casino Opera" in the Egyptian magazine IMAGES (Le Caire-Egypt) from 2 December 1940.

1. مُعرِّف قاعدة بيانات الأفلام على الإنترنت (IMDb): https://www.imdb.com/name/nm0557101/ — تاريخ الاطلاع: 28 نوفمبر 2019
2. المحرر: Anne Commire و Deborah Klezmer — العنوان : Dictionary of Women Worldwide — الناشر: جيل (ناشر) و Yorkin Publications — ISBN 978-0-7876-7585-1