From Wikipedia, the free encyclopedia
فى الرياضيات والكومبيوتر هيا مجموعه من الخطوات المنطقيه الرياضيه المسلسله اللى بتحل مشكلة ما واتسمت كده نسبه للعالم الرياضى المعروف ابو جعفر محمد أبن موسى الخوازرمى. الجوريزميات بتسُتخدم فى معالجة البيانات وفى العمليات الحسابيه والمسائل الرياضيه.
بدايه من نقطه معروفه ومُدخلات اوليه بتبدى التعليمات اللى بتوصف عمليه حسابيه بتمر بحالات متتاليه وقت التنفيذ وفى الاخر بتطلع نتيجه ناجحه(الحاله النهائيه) اللى هيا حل للمشكله اللى المفروض الجوريزم بتحلها. التحويل من حاله للتانيه مش لازم يكون متحدد او معروف قبل كده ففيه مثلا الجورزميات معروفه باسم الجورزميات عشوائيه بيدخل فيها مدُخلات عشوائيه.
مفيش تعريف منهجى للجوريزم لكن فيه تعريفات غير منهجيه فمثلا بتتعرف انها:"مجموعه من القواعد الدقيقه اللى بتعرف تسلسل من العمليات", فيه رأى بيقول ان أى برنامج هوا عباره عن الجوريزم لو بينتهى فى الاخر(يخلص يعنى), وفيه رأى تانى بيقول ان أى برنامج هوا الجوريزم لو خلص(انتهى) بعد عدد معين من الخطوات الحسابيه.
ممكن نعبر عنها بكذا شكل: الخرايط الانسيابيه(فلو تشارتس) - بسودوكود(بالانجليزى Pseudocode)(بالعربى الكود المزيف) - الكلام العادى الطبيعى اللى احنا بنتكلمه.
فى امثله كتير جدن للجورزميات منها البسيط ومنها المعقد .
من أبسط الامثله وفيه بنعرف اكبر رقم فى ليسته من الارقام الغير مرتبه . الحل لازم نبص على كل رقم فى اليسته مره واحده بس ونحدد انهى رقم الكبير وعشان نعمل كده هنمشى على الجوريزم وهنعبر عنها بكذا طريقه:
الجوريزم: اكبر رقم المُدخلات: ليسته مش فاضيه من الارقام هنرمزلها بالرمز ل المُخرجات: اكبر رقم فى الليسته ل
س ← ل0 لكل رقم(ص) فى الليسته (اللى عدد الارقام اللى فيها≥1)اعمل الآتى لو (ص) > (س) (س)←(ص) رجع (س)
ملاحظات:(←)عباره عن اختزال بسيط لـ (=)
رجع معناها انهاء الجوريزم واظهار النتيجه والمتغير (س) بقى فيه اكبر رقم
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.