From Wikipedia, the free encyclopedia
ابو زكريا يحيى بن ماسويه الخوزى Yuhanna ibn Masawaih طبيب عالم و مترجم مسيحى, ابوه سريانى و كان صيدلى فى جنديسابور (خوزستان) و اشتغل طبيب فى بغداد, اما امه فكانت صقلبيه, بيرجع ليه الفضل فى تطور كتير من العلوم فى العالم الاسلامى فى العصر العباسى الاول.
خدم هارون الرشيد و خلفاءه لحد المتوكل, ولاه الرشيد ترجمة كتب الطب القديمه اللى لقاها المسلمين عند فتح بلاد الروم - و فى عهد المامون بقى رئيس لبيت الحكمه. و كان ملوك بنى هاشم ما بياكلوش الا فى وجوده.[5]
قدم عدد من الانجازات الطبيه و تحديدا فى علم التشريح, و كانت طريقته هيا تشريح القرده و بيطبق اللى اتوصل ليه على الانسان, و كان الخليفه المعتصم بيساعده فى الحصول على القرده من بلاد النوبه.[6]
من كتب ابن ماسويه المعروفه: النوادر الطبيه, كتاب الازمان, و كتاب الحميات و كتاب عن دغل العين و كتاب بعنوان معرفة محنه الكحالين و اترجمت الكتب و اطبعت مرات كتيره.
و ليه فى الطب العام مختصر فى معرفة اجناس الطب و ذكر معدنه و كتاب المنجى فى التداوى من صنوف الامراض و الشكاوى, اما آثاره اللى ما اطبعتش فاهمها: طبقات الاطباء, كتاب الكامل, الادويه المسهله, كتاب دفع مضار الاغذيه, علاج الصداع, الصوت و البحه, الفصد و الحجامه, كتاب الفولنج, معرفة العين و طبقاتها, كتاب البرهان, كتاب الاشربه, كتاب الجنين, كتاب المعده, كتاب الجذام, كتاب السموم وعلاجها, كتاب الماليخوليا, كتاب التشريح, كتاب الازمنه.
لبرجع ليه الفضل فى تطوير كتير من العلوم , كمان ترجم كتير من كتب الطب القديمه و اسس اول كلية طب فى العالم الاسلامى.
اتوفى ابن ماسويه فى سامراء فى سنة 857 ميلاديه, و ساب لكتر من اربعين مصنف بين كتاب و رساله.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.