وحش لوخ نس
From Wikipedia, the free encyclopedia
وحش لوخ نس (Loch Ness) ده وحش مشهور ناس كتيرة اتكلمت عنه من كل حتة ف العالم، ومش معروف اذا كان موجود فعلا وللا لا. موجود ف بحيرة لوخ نس اللى ف اسكوتلاندا. الحكاية دى ابتدت سنة 560 لما القديس "كولومبا" شاف وحش ضخم شكله غريب ظهر على الميّه، فوقّفه لما رفع الصليب ف وشّه وخلاّه يبعد. و بعد كدة فيه صيادين قالوا انهم شافوا الوحش دة فى الفترة اللى بين 1800 و 1880، و بعد كدة الموضوع ابتدا يهدا لحد ما رجع يظهر تانى سنة 1933، لما واحد اسمه "جون ماكاي" ومراته شافوا وحش كبير ف البحيرة. وقالوا انه ظهر ثوانى واختفى ف المايّة تاني.
بعدها جت تقارير كتير بتقول ان فيه ناس شافته، وسنة 1934 واحد اسمه دكتور "روبرت كينث ولسون" قال انه شاف الوحش براس ديناصور طالع م البحيرة ونزل تانى بسرعة، بس روبرت قِدر يصوره ودى كانت اول صورة واضحة للوحش. بعدها انهالت المكالمات ان فيه ناس كتير شافته وابتدت تظهر صور كتير للوحش دة.