![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ab/Nicolas_Cage_Deauville_2013_2.jpg/640px-Nicolas_Cage_Deauville_2013_2.jpg&w=640&q=50)
نيكولاس كيدچ
ممثل امريكانى / From Wikipedia, the free encyclopedia
نيكولاس كيم كوبولا بالانجليزى: Nicolas Kim Coppola و المعروف باسمه الفنى نيكولاس كيدچ بالانجليزى: Nicolas Cage هوا ممثل امريكانى معاه جايزة اوسكار. اشتغل كمان فى الانتاج, والاخراج, و ليه كذا فيلم كتبه بنفسه. خد اوسكار احسن ممثل سنة 1996 عن فيلم الرحيل من لاس ڤيجاس بالانجليزى: Leaving Las Vegas.
![Thumb image](http://upload.wikimedia.org/wikipedia/commons/thumb/3/33/Nicolas_Cage_2011_CC.jpg/320px-Nicolas_Cage_2011_CC.jpg)
اصلا هوا ايطالى. اتولد فى مدينة لونج بيتش (كاليفورنيا), فى يوم 7 من شهر يناير سنة 1964. بيحب يمثل من ساعة ما كان صغير, و عشان كان المخرج العالمى فرانسيس فورد كوبولا عم نيكولاس; عرف يدخل عالم السينما و التمثيل بسهوله خالص. و كان عمه مديله ادوار صغيره فى الافلام اللى بيخرجها. بس نيكولاس لاحظ ان اغلب السينمائيين كانو بيجاملوه علشان هوا يقرب لـفرانسيس كوبولا, فعمل قرار انه يغير اسمه. و فعلا اختار اسماء كتيره منها نيكولاس بلو, زى الورق الازرق اللى هوا بيحبه. و بعد كدا غير اسمه لـنيكولاس فوست, و بعدين نيكولاس ماسكالزون, زى جده لامه و معناها الولد الشقى بالايطالى, و اخيرا اختار نيكولاس كيدچ, زى شخصية لوك كيدچ اللى كان بطل فى واحده من قصص الكوميك.