From Wikipedia, the free encyclopedia
نوال السعداوى (اتولدت فى قرية كفر طحلة التابعة لمدينة بنها فى محافظة القليوبيه يوم 27 اكتوبر 1931[11])، طبيبه و مفكره و روائيه مصريه بتدافع عن حقوق الانسان. اتولدت فى القاهره، و اتخرجت من كلية الطب جامعة القاهره فى ديسمبر 1954 تخصص امراض صدريه. فى سنة 1955 اشتغلت طبيبة امتياز فى مستشفى القصر العينى لكن اتفصلت بسبب افكارها و كتاباتها.
| ||||
---|---|---|---|---|
![]() | ||||
معلومات شخصيه | ||||
الميلاد | 27 اكتوبر 1931 [1][2][3][4] | |||
الوفاة | 21 مارس 2021 (90 سنة)[6][7] | |||
الاقامه | امريكا القاهره [8] | |||
مواطنه | ![]() ![]() ![]() ![]() | |||
الزوج | شريف حتاته (1964–2010)[9][8] | |||
الحياه العمليه | ||||
المدرسه الام | جامعة كولومبيا (التخصص:صحة عمومية ) (–1966) جامعة القاهره (التخصص:منظمات النفس ) (الشهادة:بكالوريوس الطب والجراحه ) (–1955) | |||
تخصص اكاديمى | صحة عمومية ، ومنظمات النفس | |||
شهاده جامعيه | بكالوريوس الطب والجراحه | |||
المهنه | الاطباء الادباء ، وروائيه [9]، وسياسيه ، وكاتبه | |||
اللغه الام | عربى | |||
اللغات المحكيه او المكتوبه | عربى [10]، وانجليزى [10] | |||
موظفه فى | جامعة ديوك [8] | |||
تعديل مصدري - تعديل ![]() |
فى 6 سبتمبر 1981 اتقبض عليها مع عدد من المفكريين و الصحفيين و اضطرت تخرج من مصر و تعيش فى الخارج بعد ما صعب عليها عرض افكارها فى مصر و تعرضها لضغوط من المتطرفين الدينيين اللى كمان رفعو عليها قضية حسبه عشان تفصلها عن جوزها بحجة انها "كافره" و اتهموها باهانة الاديان و هددوها بالقتل و اترفعت عليها قضيه بسبب ارائها اللى بتدافع فيها عن حقوق المراه. مع انها ممكن تعيش فى الخارج و تعرض كل ارائها بكل حريه لكن فضلت تعود مصر لعرض افكارها على المصريين مباشرة فرفعو عليها قضية اسقاط الجنسيه المصريه عنها عشان تطفش من مصر زى ما حصل للمفكر نصر حامد ابو زيد.
من اراء المفكره نوال السعداوى اللغه العربيه منحازه للراجل على حساب الست. و بتفضل استخدام مصطلح "مجتمع مدنى" عن "مجتمع علمانى"، و بتقول ان العالمانيه الصحيحه هى اننا نبعد الدين عن النقاش العلمى والفلسفى والفكرى والقانونى.
بتقود حمله عالميه بتضم ادباء و مفكرين من معظم بلاد العالم اسمها "التضامن العالمى لمجتمع مدنى" اللى من اهدافها مقاومة قهر الانسان و مناهضة اى دوله تقوم على اساس دينى.
نشرت كتب كتيره و فيه كتب منها اتمنعت من النشر فى مصر و اترجمت كتبها للغات كتيره.
اتكرمت نوال السعدواى فى بلاد كتيره و اخر الجوايز اللى حصلت عليها كان فى 7 نوفمبر 2009 و هى جايزة الكاتب الافريقى اللى بتتمنح بقرار من الاتحاد الافريقى لابرز كتاب افريقيا.
الزوج التالت ليها هو شريف حتاته الطبيب والكاتب.
توفت فى القاهره 21 مارس 2021 عن عمر 90 سنه
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.