From Wikipedia, the free encyclopedia
موكب المومياوات الملكيه فى مصر هوا حدث احتفالى انطلق من قدام المتحف المصرى بميدان التحرير وسط العاصمه المصريه القاهره فى طريقه لمتحف الحضاره المصريه بالفسطاط شرق القاهره.[3][4][5]
ابتدت الاحتفاليه بضرب 21 طلقة مدفعيه و اتحرك الموكب اللى بيضم 22 موميا لاشهر الملوك و الملكات (18 ملك و 4 ملكه).[6][7][8]
اتقدم الموكب مركبات ملكيه حربيه من صنع وزارة الانتاج الحربى و عزفت المزيكا العسكريه المارش العسكرى تحيه للموكب الملكى.
عبر موكب المومياوات الملكيه شوارع القاهره من متحف التحرير بوسط العاصمه المصريه لحد وصل المتحف القومى للحضاره المصريه فى منطقة الفسطاط.
يعتبر موكب المومياوات الملكيه من اهم الاحداث فى مجال السياحه و الآثار فى مصر.
استقبل الرئيس عبد الفتاح السيسى موكب نقل المومياوات الملكيه فى محطتها الاخيره من جوه المتحف القومى للحضاره المصريه برفقة الكتير من الضيوف من دول العالم.[9]
شارك فى الموكب نجوم و نجمات زى كريم عبد العزيز و احمد السقا و احمد عز و نيللى كريم و منى زكى و حسين فهمى و يسرا.
كان عدد المومياوت المشاركة فى العرض 22 موميا ملكيه فرعونيه من بينها 18 موميا لملوك و 4 مومياوات لملكات, و من اشهر 10 ملوك مشاركين فى العرض الملك رمسيس التانى و الملك تحوتمس الاول و الملكه حتشبسوت و الملك تحوتمس التالت و الملكه تى و الملك سيتى الاول و الملك امنحتب الاول و الملكة احمس-نفرتارى و الملكة ميرت امون و الملك سقنن رع.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.