![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/%25C5%25BB%25C4%2585damy_urz%25C4%2599dowego_getta_Ob%25C3%25B3z_Narodowo-Radykalny_Politechnika_Lwowska.jpg/640px-%25C5%25BB%25C4%2585damy_urz%25C4%2599dowego_getta_Ob%25C3%25B3z_Narodowo-Radykalny_Politechnika_Lwowska.jpg&w=640&q=50)
معاداة الساميه
From Wikipedia, the free encyclopedia
معاداة الساميه (انجليزى: anti-Semitism) او معاداة اليهود (Judeo-phobia)، هو مصطلح بيشير لعداوه عنصريه عميا لليهود و ثقافتهم. معادة الساميه أخدت فى فترات تاريخيه صورة اعمال اجراميه منظمه ضد اليهود او ناس من خلفيه يهوديه.
| ||||
---|---|---|---|---|
![]() ![]() ![]() ![]() | ||||
ايديولوجيا ، ونشاط ![]() | ||||
تفرقه عنصريه ، وزينوفوبيا ![]() | ||||
تعديل ![]() |
![Thumb image](http://upload.wikimedia.org/wikipedia/commons/thumb/c/c9/Judenstern_JMW.jpg/640px-Judenstern_JMW.jpg)
![Thumb image](http://upload.wikimedia.org/wikipedia/commons/thumb/9/93/1349_burning_of_Jews-European_chronicle_on_Black_Death.jpg/640px-1349_burning_of_Jews-European_chronicle_on_Black_Death.jpg)
عزلة اليهود فى المجتمعات مع نجاحهم فى الاعمال الماليه و التجاريه جنب تفوقهم العلمى و الادبى سبب حالات من الحقد و الكراهيه ليهم فى بعض المجتمعات. المسيحيين اتهمو اليهود اللى ما بيعترفوش بالمسيح و المسيحيه بقتل المسيح و ده سبب حزازات كبيره بينهم بالخصوص فى العصور الوسطى فى اوروبا. مع بداية الحمله الصليبيه الاولى هاجم المسيحيين المجتمعات اليهوديه فى فرنسا و المانيا وقتلو منهم اعداد كبيره فى مدابح دمويه بعد ما رفضو انهم يتعمدو و يتحولو للمسيحيه. فى سنة 1271 طرد الانجليز اليهود من انجلترا ، و فى 1348 اتهم اليهود بالكذب بتسميم ابار المايه و قامت مدبحة اليهود الكبرى ، و فى فتره طرد المسلمين من اسبانيا اتعرض اليهود لإضطهاد كبير. فى روسيا القيصريه ظهر كتاب مزيف و ملفق اسمه " بروتكولات حكماء صهيون " لتشويه صورة اليهود و نشر العنصريه و الكراهيه ضدهم.
وصل الاجرام العنصرى ضد اليهود لذروته فى فترة حكم النازيين العنصريين فى المانيا و وقت الحرب العالميه التانيه و اتعملت ليهم محرقه كبيره اتعرفت بإسم الهولوكوست اللى اتقتل فيها 6 مليون يهودى من غير ذنب غير انهم يهود.