![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/43/Dinar_of_Muhammad_al-Ikhshid.jpg/640px-Dinar_of_Muhammad_al-Ikhshid.jpg&w=640&q=50)
محمد بن طخج الإخشيد
From Wikipedia, the free encyclopedia
ابو بكر محمد بن طخچ بن جف الإخشيد ( اتوفى فى القاهره 946 ) ، مشهور بإسم " الإخشيد ". اسس الدوله الإخشيديه و حكم مصر من 935 ل 946 ، ولإسمه بيتنسب الإخشيديين و الدوله الإخشيديه.
محمد بن طخج الإخشيد هوه حاكم مصر رقم 374 |
---|
| ||||
---|---|---|---|---|
![]() | ||||
معلومات شخصيه | ||||
الميلاد | 8 فبراير 882 ![]() | |||
الوفاة | 24 يونيه 946 (64 سنة) ![]() | |||
ابناء | ابو الحسن على ، وابو القاسم انجور ![]() | |||
عيله | الدوله الإخشيديه ![]() | |||
معلومات تانيه | ||||
المهنه | سياسى ![]() | |||
تعديل مصدري - تعديل ![]() |
ابو بكر محمد بن طغج الإخشيدى (882–946) المؤسس الاول للدولة الإخشيدية فى مصر, اتولى الحكم فى مصر مكافأة له على تصديه لمحاولات الفاطميين لدخول مصر.
الإخشيد كان فى الاصل قومندان عسكرى فى جيش العباسيين فى مصر اتصدى فى سنة 933 لمحاولات الفاطميين لغزو مصر فعينه الخليفه العباسى المتقى والى على مصر سنة 935. الإخشيد كون جيش قوى عدده 400.000 عسكرى زائد حرسه الخاص اللى عددهم وصل ل 8000 مملوك ، و انشأ ترسانة سفن ( دار الصناعه ) فى ساحل الفسطاط بنى فيها سفن كتيره. قدر الإخشيد انه يرجع الهدؤ فى مصر و الشام و ساعد الخليفه ضد الحمدانيين فإعجب الخليفه العباسى بيه و خلاه والى على مصر و الشام هو و ولاده من بعده لمدة تلاتين سنه فإسس دولته اللى اتعرفت بإسم الدوله الإخشيديه. مصر فى عهد الدوله الاخشيديه كانت شبه مستقله و ماكانش فيه علاقه ما بين الإخشيد و العباسيين غير علاقه اسميه زى الخطبه بإسم الخليفه و سك فلوس عليها اسمه و مبلغ بيتبعتله كل سنه. بعد وفاته سنة 946 مسك الحكم ابنه ابو القاسم انوجور. اخر حكام الدوله الإخشيديه كان حفيد الإخشيد " ابو الفوارس احمد بن على " اللى حكم لغاية مادخل الفاطميين مصر سنة 969 بقيادة جوهر الصقلى و بكده انتهت الدوله اللى اسسها الامير محمد بن طخچ الإخشيد.