ماركسيه
From Wikipedia, the free encyclopedia
الماركسيه (انجليزى: Marxism; فرنساوى: Marxisme) مذهب اقتصادى و سياسيى و اجتماعى, اتسمى بالاسم ده نسبه لصاحبه كارل ماركس. اتسمى " الاشتراكيه علميه لتميزه عن الافكار الاشتراكيه التانيه اللى سُميت " الاشتراكيه الخياليه ". كارل ماركس وضع اسس مذهبه فى " البيان الشيوعى " (المانيفيستو ) و ساهم زميله فريدريك انجلز فى توضيحها.
المذهب الشيوعى بيعتبر ان تاريخ المجتمعات عباره عن تاريخ صراع بين الطبقات. وجود طبقات بيوصل لاستغلال طبقه للتانيه و ده بيولد صراع بيوصل فى الاخر لانهيار الطبقه المستغله و سيادة طبقه تانيه لغاية ما بيظهر " المجتمع اللا طبقى " و بينتهى الصراع.
ماركساشتغل مان نظرية " فايض القيمه " عشان يبين الاستغلال اللى بيحصل فى النظام الراسمالى. جوهر النظريه دى ان قيمة السلع اللى بيستهلكها العامل ما بتزيدش عن ضرورات حياته و قيمتها اقل من السلع اللى بينتجها, الفرق بين القيمتين بيمثل ربح الطبقه البرجوازيه, و الاستغلال ده بيوصل لصراع بين طبقة العمال و الطبقه البرجوازيه و دى نتيجه محتومه. السير الطبيعى للراسماليه بيسبب تكدس رووس الاموال و ادوات الانتاج فى ايد عدد متناقص من الافراد و زيادة عدد الطبقه الكادحه لغاية ما الطبقه الكادحه ما تقدر تقضى على البرجوازيه فبيتكون المجتمع " اللا طبقى " اللى بيه بتختفى الحاجه للملكيه و الدوله و يبقى العالم دوله عالميه اشتراكيه.
كارل ماركس و فريدريك انجلز, مؤسسيين الماركسيه |