![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4f/Leopold_von_Ranke_1868.jpg/640px-Leopold_von_Ranke_1868.jpg&w=640&q=50)
ليوبولد فون رانكه
From Wikipedia, the free encyclopedia
ليوبولد فون رانكه Leopold von Ranke (فيهى ، تورينجن ، مملكة سكسونيا ، 21 ديسمبر 1795 - برلين ، 23 مايو 1886 ) ، مؤرخ المانى ، عميد مدرسة برلين التأريخيه. بيرجع ليه الفضل فى اعتبار التاريخ علم قايم بذاته بيدرس بطريقه اكاديميه فى المانيا. و من اوائل الدارسين الغربيين اللى اتوصفو بمؤرخين و اقتصرت مجهوداتهم على دراسة التاريخ.
![Thumb image](http://upload.wikimedia.org/wikipedia/commons/thumb/4/4f/Leopold_von_Ranke_1868.jpg/320px-Leopold_von_Ranke_1868.jpg)
فى البدايه اتخصص فون رانكه فى الدراسات القديمه و اللاهوت و بعدين دخل فى خدمة ملوك بروسيا و اتعين سنة 1825 استاذ مساعد للدراسات القديمه فى جامعتها و بعدين ااترقا و بقى استاذ و فضل فى المنصب ده لغاية وفاته فى برلين سنة 1886.
فون رانكه كان عميق الايمان بالمسيحيه على المذهب اللوثرى ( البروتستانتى ) و عقيدته الفلسفيه كانت مثاليه على مذهب فيخته. اتأثر بأفكار يوهان جوتفريد هيردر بخصوص الاعتراف بالجانب الانسانى فى التاريخ و امن بفكرة التطور العضوى للجماعات البشريه و بأهمية العامل الفردى فى توجيه احداث التاريخ ، و رفض فكرة إن التاريخ قيمته فى العبر و المواعظ زى ماكان غالبية المؤرخين الاوروبيين فى القرن التمنتاشر بيعتقدو ، و قال ان التاريخ لازم يتدرس لذاته مش كوسيله للتعليم و التهذيب.