كبير
From Wikipedia, the free encyclopedia
كبير - هندى: कबीर ، بنجابى: ਕਬੀਰ - ( بيناريس، الهند، 1440 - ماجهار، الهند 1518 ) ، قديس و روحانى و شاعر هندى حاول انه يوحد الهندوس و المسلمين عن طريق دعوته الدينيه بان كل الأديان واحد و ان كل البشر متساويين. تلميذه ناناك Nanak اسس الديانه السيخيه.
| ||||
---|---|---|---|---|
معلومات شخصيه | ||||
الميلاد | سنة 1398 [1][2][3][4][5][6][7] | |||
الوفاة | سنة 1518 (119–120 سنة)[1][2][3][4][5][6][8] | |||
رتبة التقديس | قديس | |||
الحياه العمليه | ||||
المهنه | شاعر ، وكاتب | |||
اللغات المحكيه او المكتوبه | هندى | |||
المواقع | ||||
IMDB | صفحته على IMDB | |||
تعديل مصدري - تعديل |
ظروف ولادة كبير و المعلومات عن امه و ابوه بتدور حواليهم خرافات و حواديت كتيره ، و لحد انهارده فيه اختلافات حواليها. فيه قصه بتقول انه اتولد من عذراء من غير اب ، و ان امه اللى كانت بتتبع الطايفه البرهمانيه حملت فيه بعد مازارت معبد هندوسى ، و اكمنها ماكانلهاش جوز رمته فلقاه واحد نساج مسلم اخده و اتبناه. الباحثين بيقولو ان مفيش شك فى انه ابتدى حياته مسلم و انه بعد كده اتأثر بالهندوسيه عن طريق ناسك هندوسى اسمه رامانادا Ramananda.
كبير بدل مايختار الهندوسيه او الاسلام اختار اللى شافه انه احسن مافيهم و ابتدا ينشر دينه اللى اسمه ساهاچا-يوجا sahaja-yoga ( اتحاد بسيط ) و بقى صاحب افكار لكذا حركه دينيه ظهرت بعده كان اهمها كبيربانتيه Kabirpanth ( طريق كبير ) ، و دين منفصل هو السيخيه.
من الهندوسيه كبير اختار فكرة التناسخ reincarnation و قانون الكارما Karma Law لكن رفض الافكار الوثنيه و نظام الطوايف التمييزى cast system و النسك. و من الاسلام اختار فكرة وحدانية الرب و مساواة البشر ، و مع الفكرتين دول اتأثر اتأثر كبير بالصوفيه الاسلاميه.
كبير شاف ان الاخلاص الشخصى الكبير و الحب هما طريق خدمة الرب و معرفته ، و ان الرب واحد رغم اختلاف اساميه و ان اختلاف اسم الرب فى الاسلام و الهندوسيه حاجه لغويه مش مهمه. فى الحركات و الديانات اللى انبثقت من افكاره زى الكبيربانتيه و حركات تانيه و الديانه السيخيه بتسود العناصر دى : الايمان بوحدانية الرب ، و الكتابات الدينيه باللغات المحليه ، و المكانه الساميه للجورو Guru ( المعلم الدينى ) ، و رفض نطام الطوايف التمييزى.
كتابات كبير اللى باللغه الهندى البسيطه من غير تعاقيد نحويه او بهرجه لغويه جذبت عامة الناس حيث ان هدفه كان الاتصال بالناس . فيه اشعار كتبها اندمجت فى الأدى جرانت Adi Granth كتاب السيخ المقدس ، و فى سنة 1570 واحد من تلاميذه جمع كلامه و افعاله فى كتاب اسمه بيجاك Bijak و هو الكتاب المقدس بتاع الكبيربانتيين. أغانی الکبیر (انجليزى:: songs of Kabir) تشتمل علی المئة الأشعار الكبير ترجمت بواسطة رابندرانات طاجور باللغة الانجلیزی.