![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e6/Bundesarchiv_Bild_146-1970-043-52%252C_Russland%252C_bei_Minsk%252C_tote_Zivilisten.jpg/640px-Bundesarchiv_Bild_146-1970-043-52%252C_Russland%252C_bei_Minsk%252C_tote_Zivilisten.jpg&w=640&q=50)
كبت سياسى
From Wikipedia, the free encyclopedia
الكبت السياسى مصطلح بيتوصف بيه بيبقى الفرد او المجموعه حاسيين انه محروم و ممنوع من انه بيعبر عن رأيه او افكاره عموما والسياسيه بالخصوص. الكبت السياسى موجود فى البلاد اللى بتمنع , او بتدى مساحه صغيره جدا , الحقوق المدنيه و الحريات المدنيه للفرد و منع او تقيد حرية التعبير و انتهاكات لحقوق الانسان و تعذيب و سجن و التخويف الناس و ممكن توصل لحد قتلهم , للمعارضيين لافكار و سياسه النظام الموجود المسيطر على البلد و غالبا بيبقى محدش عايزه او طايقه فى البلد, الا اذا كان الكبت موجه لمجموعات بعينها مش على اهل البلد كلهم,. الكبت السياسى المنظم ديما بيستخدم ف الدول الديكتاتوريه و من نظام الحزب الواحد و البلاد اللى عملا نفسها ديموقراطيه و بتستخدم البوليس او الجيش انه يقوم بعمليات القمع و التعذيب ضد الناس اللى معارضينها و بيسببوا ليهم كبت سياسى. الكبت السياسى بيزيد و بيتكون عند الشعوب بالوقت و كل ما الوقت بيزيد كل ما الموضوع بيكبر و بيخلى اهل البلد اللى بيتعملهم كبت , يخافوا يتكلموا او يشتغلوا فى السياسه مش عشان هما مش عايزيين بس عشان خايفيين من النظام و من اللى ممكن يحصلهم بسبب الموضوع دا , بس فى درجة معينه من الكبت السياسى الناس بتبقى مستبيعه و ممكن تقوم بأى حاجه ضد النظام من ثوره او شغب او اعمال عنف و تخريب ضد الحكومه و اللى مستفيديين منها.الثورات غالبا بتبقى نتيجة الكبت السياسى و طلوع افكار سياسيه و اجتماعيه جديده بتدى امل و حلول للشعوب المقهوره عشان يبقى عندها مستقبل احسن.
![Thumb image](http://upload.wikimedia.org/wikipedia/commons/thumb/e/e6/Bundesarchiv_Bild_146-1970-043-52%2C_Russland%2C_bei_Minsk%2C_tote_Zivilisten.jpg/640px-Bundesarchiv_Bild_146-1970-043-52%2C_Russland%2C_bei_Minsk%2C_tote_Zivilisten.jpg)