قاسم امين
From Wikipedia, the free encyclopedia
قاسم امين (نطق: /ˈʔæːsem æˈmiːn/) ( 1 ديسمبر 1863 - 23 ابريل 1908) كان من مؤسسين الحركة الوطنيه المصريه و جامعة القاهرة , اشتهر بانه زعيم الحركة النسائية فى مصر فيه اختلاف على جنسية والده يعنى فيه ناس بيقولوا كۏردى و ناس تانيه بتقول انه عثمانى بس امه مصريه اتولد فى صعيد مصر بالتحديد فى طُرة. اخد ليسانس الحقوق سنة 1881 اشتغل شوية محامى بعد كدة راح فرنسا ودرس القانون فى جامعة مونبلييه. ولما رجع كان متاثر بمجتمع فرنسا وحرية التفكير هناك وشاف ان فيه عادات فى مصر مش اساسها الاسلام و كان من مؤيدين محمد عبده. و كان بيكتب فى جرنان المؤيد عن المجتمع المصرى ومشاكله. بعد مارجع قاسم امين من فرنسا الف كتاب اسمه المصريين رد فيه على تهم الدوق داركور للمصريين بالتخلف فى العادات الاجتماعيه اللى بتفرق بين الراجل والست، و الغريب انه فى الكتاب ده دافع عن الحجاب، وفصل الراجل عن الست، وحاول تبرير عادات المجتمع الشرقى التقليديه. لكنه بعد اقامته فى مصر بفتره حضر صالون ثقافى لاميره اسمها نازلى فاضل، كان بيحضره مثقفيين و مفكريين فى المجتمع المصرى ساعتها، والظاهر انه تآثر بشخصيه نازلى فاضل لانها كانت امرآه متعلمه و مثقفه بس ملتزمه بالدين والاخلاق فى نفس الوقت. و من ساعتها غير اراءه وكتب فى مواضيع تحرير و تعليم المرآه، وشاف ان فيه عادات فى مصر مش اساسها الاسلام.
| ||||
---|---|---|---|---|
![]() | ||||
معلومات شخصيه | ||||
الميلاد | 1 ديسمبر 1863 ![]() | |||
الوفاة | 23 ابريل 1908 (45 سنة) ![]() | |||
مواطنه | ![]() ![]() | |||
الحياه العمليه | ||||
المدرسه الام | جامعة مونبيلييه (1881–1885) ![]() | |||
المهنه | كاتب ، وقانونى [1]، وسياسى ![]() | |||
اللغات المحكيه او المكتوبه | عربى [2][3]، وانجليزى [3] ![]() | |||
مجال العمل | قانون [4]، وفيمينيزم [4]، وفلسفه [4] ![]() | |||
اتأثر بـ | محمد عبده ![]() | |||
تعديل مصدري - تعديل ![]() |
![Thumb image](http://upload.wikimedia.org/wikipedia/commons/7/74/Qasim_Amin.jpg)
كان من مؤيدين للشيخ محمد عبده و كان بيكتب فى جرنان المؤيد عن المجتمع المصرى ومشاكله