عصر الظلام الحديث ، Modern Dark Ages او New Dark Ages ، مصطلح بدأ يظهر فى الفتره الاخيره فى الكتب و المقالات الصحفيه. و هو بيشير لوجود مجتمعات و ثقافات لسه بتعيش فى عصر الظلام او دخلت فى مرحلته ، و بقت بتعانى من حالة التخلف اللى كانت سايده فى اوروبا قبل عصور التنوير و النهضه ، و ما هيش قادره تتعامل مع العالم المعاصر و العصر الحديث. المجتمعات دى بتعادى العلم و التقدم و الحريه الانسانيه و بتتعامل مع الامور الدنيويه بمبادىء قديمه ، و بتؤمن بالخرافات و الخزعبلات ، و بتبص للستات بصه متدنيه. و فوق كده المجتمعات دى بقت عدوانيه و مصدر للقلاقل و العنف و الاستبداد ، و بتنعدم فيها التوليرانسيه فى مواجهة الافكار اللى ما بتتماشاش مع نزعاتها ، و بيتفشى فيها التعصب ، و بتعيش طول الوقت فى حالة صدام مع الثقافات التانيه مع انها مجتمعات ضعيفه و مهلهله و يحتمل ان عدوانيتها هتسبب دمارها بالكامل.
| ||||
|---|---|---|---|---|
| جنب من | العصور الوسطى | |||
تعديل  | ||||
بيتقال ان المجتمعات دى ، مع انها بتعيش فى العصر الحديث و بتستفيد من انجازات الحضاره الغربيه ، بتعكس بقوه عصور الظلام الاصليه فى اوروبا ، لما كان الاصوليين المسيحيين بيعتبرو الفلاسفه و الكتاب و العلما مهرطقين ، و كانو بينددو بأفكارهم و بيعتدو عليهم و بيحرقو كتبهم لدرجة ان الكتاب و المؤلفين ما كانش مسموح ليهم يكتبو الا باللغه اللاتينى لغة الصفوه الاقطاعيه و الدينيه و كانت الكتابه باللغه القوميه المحليه بتعتبر جريمه فى حق الدين و المجتمع المتخلف اللى كانو عايشين فيه.
الجمود و الانحطاط الفكرى فى مجتمعات عصر الظلام الحديث مزاج ثقافى عام زى ما كانت فى عصور الظلام الاصليه فى العصور الوسطى الفرد فى المجتمعات دى عنيف و متعصب و من نفسه بيحارب التطور و بيكره خروج حد علا النظام اللى نشأ عليه. و من ناحيه تانيه ، النهارده مع استخدام وسايل الاعلام الحديثه و رواج حركة السفر تقدر دولة غنيه بفضل ثروه طبيعيه زى البترول لكن مجتمعها متخلف و بينتمى لعصر الظلام الحديث انها تنشر افكار ثقافتها المظلمه لمناطق تانيه من العالم ، خاصة للمجتمعات الغير متطوره بالقدر الكافى اللى يديها حصانه ، و دى نقطه اتنبه ليها المراقبين لما لاحظو ان بلاد ليها ثقافات عريقه و حضارات قديمه بتظهر فيها اعراض عصر الظلام الحديث.
شوف كمان
لينكات برانيه
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
