عرب
From Wikipedia, the free encyclopedia
العرب ، شعوب و قبايل ساميه سكنو اليمن و الحجاز و الحيره و الشام و منهم قبايل بنو قحطان و بنو عدنان.[4] الايام دى العرب معرووفين كمان باسم الشعوب العربية او الشعوب الللى بتتكلم عربى هما مجموعه اثنيه لغويه كبيره.[5] عايشين ف الاساس ف غرب اسيا ، ومجموعات منهم هاجرت بعد احتلال العرب لدول شمال افريقيا ، و أجزاء من القرن الافريقى ، مجمعة تحت مصطلح جغرافى بيتسما العالم العربى. مش كل الشعوب الللى لغتها الرسمى عربى بيعتبرو عرب و فيه كلام كتير عن الاختلافات دى.
| ||||
|---|---|---|---|---|
| صنف فرعى من | ساميين | |||
| جزء من | ساميين | |||
| عرب | ||||
| التسميه الاصليه | عرب | |||
 | ||||
| مجموعه عرقيه | ||||
| البلد | ||||
| العدد الكلى | 440000000 [1] | |||
| اللغه الام | عربى | |||
| لغات | العربية: العربية الفصحى، العربية الجنوبية الحديثة،[2][3] العربية العامية بلهجات متنوعة | |||
| ديانه | ||||
| تعديل | ||||
مصطفى وهبى التل
زينب الخواجه
نصير شمه
.jpg)
اصول
فى اليمن كانت قاعدتهم فى صنعاء و ملوكهم هناك كانو من أقيال حمير ، فى الشام كان الغسانيين و دول كانو من قحطان. ملوك غسان اتعاقبو على حكم الشام. فى الحجاز كانت رياستهم لقريش.[4]
تاريخ
تاريخ العرب القديم عند العرب بيختلط بيه التاريخ الخرافى او التاريخ القايم على قصص مش مثبوته عن طريق العلم. العرب قسمو سكان جزيرتهم على طايفتين اساسيتين : العرب البائده ( أو العرب العاربه ) و العرب الباقيه ( او العرب المتعربه او العرب المستعربه ) ، فالعرب عندهم بيتقسمو على تلت فروع هى العاربه و المتعربه و المستعربه. العرب البائده عندهم هى القبايل اللى اتلاشت و اندثرت اخبارها قبل ظهور الاسلام و هما تسعه : رجع و ثمود و اميم و عبيل و جديس و عمليق و جرهم و جاسم و سكنو فى مناطق متفرقه فى الجزيره العربيه و نواحيها. العرب بيعتقدو ان العرب البائده من نسل سام و فيهم بيرجعو قبايل منها لاود بن سام اللى بيسموه لاوذ و غيرهم لآرام ابن سام.[6] بنو قحطان عندهم عرب متعربه من نسل يقطان اللى بينتهى نسبه لأرفكشاد ابن سام و فيه بيعتبروهم عرب مستعربه. العرب المستعربه بيسموهم العرب التابعه للعرب و بيعتبروهم اسماعيليين بينتهى نسبهم عند اسماعيل ابن ابراهيم و مراته بنت مضض الجرهميه من بنى قحطان و بيسموهم العدنانيه نسبه لعدنان من نسل اسماعيل.[6] العرب فى تاريخهم ده بيقولوا ان العرب " المستعربة " أخذوا لغتهم من العرب " العاربة " عن طريق أبوهم اسماعيل بعد ماراح مع أبوه ابراهيم على الحجاز و ان دى نشأة لغتهم اللى بتتسمى لغه عربيه .[7]
بالنسبه لهم العرب قبل الاسلام كانو قسمين ، الساميين و الحاميين. الساميين قسموهم على تلت اقسام ، اللاوذيه ( بنو لود ) و دول اكتر العرب البائده او العاربه ، و القحطانيه و دول بنو قحطان اللى بيتصل نسبهم بارفكشاد بن سام ، و الاسماعيليين و دول بنى اسماعيل و بيسموهم العدنانيين.[6]
اشتهر العرب بالشعر و الخطابه لغاية ما اتعلموا الكتابه من الشعوب المجاوره ، عرب الحجاز كانو اخر اللى وصلهم الخط.[4] بيعتبر العرب اشهر اللى سكنو الخيام و رعو الجمال فى التاريخ.[6] العرب ما عرفوش من الفن غير الشعر اللى اتسم بالمنظور البدائى الصحراوى و كان زى الصور الفوتوغرافيه للحياه البدويه و المراعى الجافه المحدوده و خيامهم و جمالهم و اطلالهم المهدمه .[8] ، و بيقول جرجى زيدان " كانت العرب فى الجاهلية اهل ماشية وجمال وخيام فلم ينتبهوا الى شىء من الفنون الجميلة غير الشعر " [9] ، لكن بعد توسعهم فى البلاد المتحضره اللى حواليهم زى مصر و فارس و بيزنطه اتعلمو الفنون و منها الموسيقا ( شوف : الموسيقا عند العرب ) لكن فى مجال الفنون البصريه ما كانلهمش باع ، بيقول المفكر عباس العقاد ان العرب قدمو زخارف هندسيه لكن ما قدموش حاجه تقريب فى فنون العماره و البنا، و فى رأيه ان الفن البصرى عند العرب بيتسم بالزخرفه لمجرد الزخرفه اللى مالهاش صله بالحياه [10]
حروب
اشتهرت القبايل العربيه بالحروب و الغزوات و من اشهر حروبهم حرب البسوس اللى استمرت بين قبيلتين لمدة اربعين سنه بسبب جمل. غزو البلاد المتحضره اللى جنبهم زى فارس و مصر.
علم
علما مسلمين كتار اكمن اساميهم عربى بيتاخدو ساعات على انهم عرب لكن فى الواقع هما فى العاده مش عرب و اغلبهم فرس زى ابن سينا و البيرونى و الخوارزمى و الرازى و الطوسى و غيرهم.
وصفهم
من اشهر اللى وصفوهم فى العصور الوسطانيه كان الرحاله الفارسى ناصرخسرو فى كتابه سفرنامه اللى ذكر فيه انهم عايشين فى صحرا و عندهم جمال و مواشى و بيعيشو فى الخيام و انهم بياكلو الضب و فيهم اللى عمرهم فى حياتهم ماداقو غير لبن الجمل و انه ماحسش بينهم بالامان بقوله " ظللت اتنقل من قوم الى قوم و أجد فى كل مكان خطر وخوف " بيقول ناصر خسرو ان رغم انهم عايشين فى فقر و بؤس لكن بالرغم من كده " فانهم كل يوم فى حرب و عداء وسفك دماء ".
الايام دى
فى العصر الحديث مالهمش دور يذكر فى الحضاره الانسانيه و العلوم و الاداب .[11]، و الفن عندهم لسه بيعتبر خطابى لكن باستخدام طرق حديثه زى الجرانيل و المجلات و الفضائيات و الانترنت اللى بيستخدموهم ساعات لاختلاق عالم افتراضى virtual world خيالى بعيد عن حقيقتهم و واقعهم و مكانتهم فى العالم [12] و فيه منهم بيحرموا الفن اساساً ، لكن اهتم المستشرقين و الانثروبولجيين بدراسة ثقافتهم و مجتمعاتهم وبتهتم الجامعات الغربيه بالدراسات الأنثروبولوجيه عن مجتمعاتهم. المستشرق الانجليزى تشارلز دوتى Charles Doughty عمل عنهم دراسه مهمه [13] ، و المؤرخ و المستشرق الفرنساوى ارنست رينان Ernest Renan كتب عنهم انهم بيفتقدو الابداع كجنس متخلف بتنعدم فيهم روح الابداع و الاستناره و بينتشر فيهم التعصب و اللاعقلانيه و الغوغائيه. غير ارتباطهم فى ذهنية العالم الحديث بالجهل والتخلف ارتبط اسمهم كمان بالارهاب [14] العرب بقو بيتكنو فى امريكا عند الفئات العنصريه باسم " زنوج الرمال sandniggers " و " رووس الفوطه towelheads ".
بطبيعة الحال دى الصوره النمطيه العامه للعرب و هى صوره التصقت بيهم رغم ان فى النص التانى من القرن العشرين ازدهرت منطقة العرب(الخليج العربى) اقتصادى بفضل اكتشاف الغربيين للبترول فيها فحصلت تطورات ثقافيه مهمه و انتشر التعليم و بقى فيه عدد من العرب على مستوى عالى من الثقافه و العلم و فيه منهم درسو فى أرقى الجامعات العالميه. لكن رغم كده استمرت صورة العربى النمطيه و بقى العربى بعد اكتشاف البترول بيتصور بالثراء الفاحش و انه بيكدس فلوس كتيره بيصرفها على شهواته و على الارهاب و الابتزاز و اعمال فيها سفه.
مجموعات فرعيه
العروبه هيا ايديولوجيا بتنادى بالوحده بين الدول العربيه و ضمها فى دوله واحده من المحيط الاطلنطى لغاية الخليج الفارسى , و هيا ايديولوجيا وثيقة الصله بفكرة القوميه العربيه اللى بتنادى بالاعتزاز بالمكون العربى ف ثقافات الشعوب العربيه , و السعى للوحده السياسه و التكامل الاقتصادى بين الدول العربيه , و مقاومة التأثير الغربى على الثقافه و السياسه العربيه. فكرة الوحده العربيه انتشرت فى الخمسينات و الستينات , و فى العاده ما كان انصارها من الاشتراكيين و المناهضين للتدخل الغربى فى سياسات الدول العربيه. الوحده العربيه اتحولت مع الوقت من مجرد فكره لعدد من المشروعات السياسيه بهدف توحيد الدول العربيه فى دوله واحده, لكن اغلبها فشل.[15]
البدو بيشكلو مجموعة فرعية اصليه من المجموعة الاثنية اللغوية "العرب" . كان اسم عربى زمان تاريخيا مرادف لاسم بدوى . عدد البدو ب 20 مليون بيشكلو الايام دى حوالى 5٪ من الشعوب الللى لغتهاالرسمى عربى. القبائل البدويه هيا الأكتر انتشارا ف شبه جزيرة العرب، لكنهم موجودين كمان ف سوريا و بلاد ما بين النهرين، و بلاد الشام و سينا ( بدو النقب ، بدو الترابين )، و كمان شمال افريقيا ومنطقة السودان.
- جزيره العرب
العرب بالمعنى الضيق للكلمه هما القبائل العربيه و نسلهم ف بلاد الشام وشمال افريقيا. العرب صنفو سكان جزيرتهم على طايفتين اساسيتين : العرب البائده ( او العرب العاربه ) و العرب الباقيه ( او العرب المتعربه او العرب المستعربه )
- العرب الاصليين او العرب العاربة من اليمن ، و نسلهم من يعرب ابن يشجوب ابن قحطان .
- العرب العدنانين او العرب المستعربه، و نسلهم من نسل اسماعيل و قبيلة جرهم.
تصنيف العرب من شبه جزيرة العرب ممكن حصل ايام الحروب الداخليه فى الخلافة الأموية . من القبائل العربية اللى اتفاعلت مع محمد ، كان اكبرهم بنى قريش عشان عشيرتهم بنى هاشم كانت عشيرة محمد. فى فترة الغزوات المسلمه و العصر الدهبى للاسلام ، كان حكام الاسلام السياسى حصرا اعضاء من قبيلة بنى قريش.
- سوريا وبلاد الشام
العرب من بلاد الشام بتتصنف اما قبايل قيس او قبايل اليمن . التصنيف القبلى حصل فى الخلافة الأموية. قبايل اليمن مصدرها الجزيرة العربية او اليمن ؛ و تشمل بنى كلب ، كنده ، الغساسنه ، ومن بعد الثورة العربية ف فلسطين 1834 ، السكان اللى لغتهم الرسمى عربى ف فلسطين سابو تسلط البنية القبلية و اتحدو و كونو الشعب الفلسطينى .
الشعب اللبنانى من الشعوب التمعربه، لكن غالبية اللبنانيين مش بيعتبرو نفسهم عرب، مفضلين ربط نفسهم كجزء من ثقافة "البحر المتوسط" او "الثقافه الشاميه".[16]
- بلاد ما بين النهرين و ايران
العرب الايرانيين بيشكلو اقليه 2٪ ف ايران. اكبر مجموعه هيا عرب الأهواز من خوزستان
- افريقيا
البدو ف غرب مصر و شرق ليبيا بتتصنف قبايل السعادى و قبايل المرابطين . قبايل السعادى مجموعة ليها صفة اجتماعية اعلى تستمد من النظام الاقطاعى التاريخية اللى كانت ايامه المرابطين خدم للسعادى. تجارة العبيد عند العرب [['المصريين كتير منهم مش من اصل عربى عشان هما المجموعه العرقيه (البحر متوسطية) اللى سكنت منطقة وادى النيل فى العصور القديمه و استقرت فيها [17] ، و دلوقتى عددهم حوالى 105 مليون انسان ( حسب تقدير يوليه 2024)[18] و هما اصحاب الحضارة المصريه القديمه (الحضاره الفرعونيه), تاريخ المصريين تاريخ طويل جداً بيرجع لحوالى سنة 13,000 ق.ع.ح و هما من اقدم الأجناس البشريه. الهوية المصرية بترتبط ارتباط جامد بجغرافيا مصر اللى اهم مافيها وادى النيل و شريط صغير من الارض الصالحة للزراعه بتمتد من الشلال الاول لحد البحر المتوسط و بتحوطهم الصحرا من الشرق و الغرب. الجغرافيا دى فريدة من نوعها و هى اساس تطور المجتمع المصرى و الثقافه المصريه من العصور القديمه. هوية المصريين الوطنية اتطورت بصوره اكبر فى القرن التسعتاشر و القرن العشرين و فيه تداخل او تضارب الأيديولوجيات بين العلمانية القومية المصرية الحديثة ,القومية العربية (بما فيهاالعروبة) و الاسلاموية.
شوف كمان
فهرس و ملحوظات
لينكات برانيه
مصادر
Wikiwand - on
Seamless Wikipedia browsing. On steroids.