شنيتزل
From Wikipedia, the free encyclopedia
شنيتزل بالألمانيه: Schnitzel، شنيتزل هو طبق من اصل نمساوى، و هو حتت لحمه أو فراخ فيليه filet بالفرنساوى يعنى من غير عضم متغطيه ببيض و بقسماط و مقليه، الطبق دا من اشهر أطباق مطبخ ڤيينا و المطبخ النمساوى و يعتبر الطبق الوطنى لدولة النمسا.
فى النمسا اسمه شنيتزل ڤييننا نسبه لمدينة ڤيينا و بيتقدم مع بطاطس و حتت لمون ، فى اغلب الاحيان بيتعمل من لحمة عجل و بيتقدم مع سلطة بطاطس . فى بلاد كتيره بيتعمل من لحمه بتللو يعنى لحمة عجل أو لحمة خنزير أو صدور فراخ أو لحمه ضانى يعنى لحمة غنم أو ديك رومى . شنيتزل يشبه لحد كبير طبق اسكالوب فى فرنسا و اسبانيا ، بانادو فى پورتوجال ، تونكاتسو فى اليابان ، كوتوليتا فى ايطاليا ، كوتليت شابوى فى بولندا ، ميلانيسا فى امريكا اللاتينيه ، شوليتا فالونا فى كولومبيا ، وشريحة لحم الفراخ المقليه و لحمه الخنزير فى الولايات المتحده .