سبيس-تايم
From Wikipedia, the free encyclopedia
السبيس-تايم (انجليزى: space-time) او الزمكان نموذج رياضى بيدمج ما بين المكان والوقت. مفهوم السبيس-تايم بيتفهم على ان المكان ليه تلت ابعاد وان الوقت بعد رابع بس بيختلف عن الابعاد الحيزيه. واحد من المفاهيم بتاعة الفضاء الإقليدى بيعتبر ان الكون بيتكون من تالت ابعاد للمكان وبعد واحد للوقت، بس لما الاتنين بيعتبرو حاجه واحده علماء الفيزيا بيقدروا يبسطوا نظريات كتير.
فى الميكانيكا الكلاسيكيه استخدام الفضاء الإقليدى بدل السبيس-تايم مقبول علشان الوقت بيعتبر حاجه ثابته ومبتختلفش على حسب حركة الراصد. والكلام ده بيبقى مظبوط بدرجه كبيره لما الراصد بيكون بيتحرك بسرعه قليله.
لكن فى نظرية النسبيه الخاصه والعامه مينفعش نفصل الوقت عن التالت ابعاد بتوع المكان علشان الاحساس بالوقت بيعتمد على سرعة الاجسام بالنسبه لسرعة النور وكمان بيعتمد على قوة مجال الجاذبيه.