مشروب غازي مكربن From Wikipedia, the free encyclopedia
سبيرو سباتس Spiro Spathis هو مؤسس و صاحب شركة و مصنع سبيرو سباتس للمياه الغازيه ف مصر، اتولد ف اليونان سنة 1885 و جيه مصر ف سن الخمستاشر و اتعلم ف المدارس المصريه و اتجوز و خلف أربع اطفال اللى منهم سافر اليونان و منهم من فضل معاه ف مصر و كان المصنع فوقتها ف شارع الخور من شارع عماد الدين وسط القاهره.
| ||||
---|---|---|---|---|
معلومات شخصيه | ||||
الميلاد | 1885 | |||
تاريخ الوفاة | 8 مايو 1950 | |||
مكان الدفن | مصر | |||
الجنسيه | اليونانيه | |||
اللقب | الخواجه | |||
المواقع | ||||
الموقع | الموقع الرسمى (انجليزى ) | |||
تعديل مصدري - تعديل |
بدا الخواجه سبيرو سباتس العمل بمصنعه سنة 1920 بعد ما كان هو و اخوه ف مصنع عمهم الخواجه « نيكول سباتس » سنة 1909 كان انتاجهم أول ازازة كازوزه ف مصر و هى ليمونادا سباتس
و كان سبيرو سباتس بيتميز بروح المغامره و التصميم على النجاح كان صعب جداً منافسة شركات زى »بسكال، سيتى و بلو كروس و لكن مع الذكاء و روح المنافسه اعتمد »سباتس ان تكون منتاجاته من الكازوزه الطبيعيه،
و غزت منتاجات مصنع سبيرو سباتس الاسواق المصريه كان بيشتغل بالمصنع حوالى 150 عامل و بيملك 20 عربيه لتوزيع المنتجات ف كل مصر من الإسكندريه لاسوان و مستخدمين فوقتها كمان السكك الحديديه لتوصيل المنتجات للمناطق البعيدة زى »كوم امبو« ف جنوب مصر و غيره.
كان وقتها هو المشروب الرسمى لكل فئات الشعب المصرى كان المشروب المفضل عند كتير من المشاهير.
و اشتهر منتج سبيروسباتس برمز »الدبانه« و كان يقصد النحله و اللى استمرت لوقتنا. لانه كان بيشتل بالزراعه و مناحل العسل ف جزيرة »كيفالونيا« ف اليونان و اللى اشتهرت بإنتاجها لاجود انواع عسل النحل ف العالم.[1]
ف سنة 1941 اخد ميدالية ملك مصر فاروق الاول ف المعرض النوعى التانى للصناعات على المركز الاول كافضل منتج ف مجال الكازوزه متفوق على اكثر من 56 مصنع لصناعة الكازوزه.
كانت الصناعات الوطنية تقابل بتشجيع حكومى متواصل, كان القصر الملكى بيعتمد عليها ف اروقته من صودا سيدر و ليمون سباتس حسب تعاقد توريد احتياجات القصر الملكى
اتوفى الخواجه سبيرو سباتس ف 8 مايو 1950 و اتدفن ف مدافن مصر القديمه بكنيسة مارجرجس، استكمل ولده ايليا سبيرو سباتس مشوار والده ف صناعة الكازوزه و فضل يطور بسها لحد وفاته ف سنة 1960 و ف سنة 1960 رجعت مدام افتخهيا البنت الاصغر لسبيرو سباتس اللى اتولدت سنة 1928 بعد استكمال دراستها بسويسرا لادارة المصنع بعد وفاة اخوها و استكملت مسيرة والدها و اخوها ف تطوير منتجات سباتس لحد تم التنازل عن الشركه و العلامه التجاريه لصالح شركة سابسا للمياه الغازيه ف سنة 1998.
اتاسست شركه سابسا للمياه الغازيه ف سنة 1970 (شركة ميمكو للمشروبات و الاغذيه حاليا) لصاحبها طلعت و سمير عطوان و كان مقرها بمحافظة السويس بعدها نقل المصنع ف منطقة عين شمس بعد حرب 1973
كان اشهر منتجاتها: ريو سابسا، اسبسيال، ليف يورا، بعدين انضم الى مجموعه منتجات الشركة كازوزة سبيرو سباتس الشهيره.
فضل التطوير بالشركه و تم اضافة نكهات تانيه لكازوزة سباتس لحد وفاة الشقيقين ف سنة 2009 و بعدها رجع الجيل التالت، الابناء، مينا يوسف مرقس سنة 2019 الى تطوير الشركة و اطلاقها بشكلها الحديث.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.