رقصة الكرومبه
From Wikipedia, the free encyclopedia
رقصة الكرومبه هيا رقصه استعراضيه من الفولكلور المصرى قدمتها فرقة رضا اللى اسسها محمود رضا سنة 1959 و اشتهرت بعرض التراث المصرى الفولكلورى الراقى علا المسارح ف مصر و براها ف فتره ثقافيه مزدهره من تاريخ مصر كان فيها اهتمام بتاريخ مصر و فولكلورها و كان فيها مصريين فخورين و علا وعى و اهتمام بتراث مصر. رقصة الكرومبه فيها عناصر الريف المصرى زى الزرع (الكرومبه و الفوليه و اللمونه) و زى الشخصيات (بنت العمده و الغازيه و المجنونه) ، الكلمات بتوصف بطريقه فيها تريقه التلات شخصيات من وجهة نظر بنات الارياف ، بنت العمده اللى ليها مكانه كبيره بين بنات بلاد الارياف زى بنت العمده و ربطتها الاغنيه بالكرمبه ، و الغازيه اللى بترقص فى افراح بلاد الارياف و ربطتها الاغنيه بالفوليه ، و واحده مجنونه من سكان بلاد الارياف و ربطتها الاغنيه باللمونه. الاغنيه بتوصف سلوكهم و تحركاتهم بالكلام و الحركات. بنت العمده و الغازيه بيمشو و بيقعدو و بيرقصو بطريقه معينه و بالنسبه للمجنونه وقفتها و بصتها و برضه رقصتها ليهم هما كمان طريقه معينه.
| ||||
---|---|---|---|---|
صنف فرعى من | رقص | |||
البلد | مصر | |||
غناء | و رقص فرقة رضا | |||
اللغه | مصرى | |||
انتاج | 1967 | |||
الملحن | على اسماعيل | |||
المؤلف | نبيله قنديل | |||
من فيلم | غرام فى الكرنك | |||
تعديل |
الاغنيه زى العاده ف الأغانى الفولكلوريه بتعتمد علا الكلام البسيط اللى بيتكرر فى كل مقطع و بتستخدم كلمات ليها وقع معين علا الودن زى " هللا هللا " و " يابا يابا " اللى بيتكررو طول الاغنيه و دا اكمن الاغنيه بتنتمى للنوع اللى بيتأدا و قت الشغل اللى بيعتمد علا التكرار و الوتيره الواحده زى شغل جمع المحاصيل او القطن فواحده بتغنى و الباقيين بيكررو وراها تقريبن نفس الكلام بين كل مقطع.
الرقصه رقصهوها بنات فرقه رضا و هما لابسين هدوم فلاحات مصريات و ظهرت كمان فى فيلم غرام فى الكرنك.