رشيد الدين الهمذانى
From Wikipedia, the free encyclopedia
رشيد الدين فضل الله الهمذانى - بالفارسى : رشیدالدین فضلالله همدانی - ( 1247 - 1318 ).[3] اكبر و اشهر المؤرخين الفرس فى الدوله الإيلخانيه فى القرنين 13 و 14. كتابه الموسوعى " جامع التواريخ " بيعتبر أحسن و اكمل كتاب إتكتب عن تاريخ مغول فارس. كتابه اللى فصل فيه تاريخ المغول من ايام چنكيز خان وحروبهم ايام هولاكو و غازان اهتم بيه المؤرخين و المستشرقين و الدارسين فى كل العالم و إترجم للغات كتيره لإنه مصدر اساسى عن تاريخ المغول و جغرافيا المنطقه اللى اتوسعوا فيها و حروب المغول ضد مصر و تواطؤ حكام الشام و تحالفهم مع المغول قبل و وقت معركة عين جالوت بين مصر و المغول.
| ||||
---|---|---|---|---|
(بالفارسى: رشیدالدین فضلالله همدانی) | ||||
معلومات شخصيه | ||||
الميلاد | سنة 1247 [1] | |||
الوفاة | 18 يوليه 1318 (70–71 سنة)[1] | |||
مواطنه | إيلخانية مغول فارس | |||
الحياه العمليه | ||||
المهنه | مؤرخ ، ودكتور ، وسياسى | |||
اللغات المحكيه او المكتوبه | عربى [2] | |||
مجال العمل | طب | |||
تعديل مصدري - تعديل |
عن طريق شغلته الاساسيه كطبيب دخل البلاط الملكى المغولى الفارسى فى عهد اباقاخان (1265 - 1282 )، وبقى وزير لغازان خان سنة 1298 و استمر فى المركز ده فى عهد اولجايتو بن ارغون خان . إنتهت حياته بإعدامه بعد ما اتهمه منافسيه بتسميم اولجايتو.[3]
فى سنة 1980 إتباعت مخطوطة كتاب جامع التواريخ بالعربى فى صالة مزادات سوثبى فى لندن لجامع التحف الإيرانى ناصر داوود خليل بـ 850.000 جنيه إسترلينى و نشرها فى كتاب قيم خدمه للعلم و الدارسين.
إتولد رشيد الدين فى عيله بيعتقد ( بالإستناد على الصقاعى فى كتابه " المنهل الصافى " بس ) إنها كات يهوديه مع إن رشيد الدين أنكر ده و قال إنها قصه من إختراع اعداءه. ومن الممكن إنهم نسبوه لأصل يهودى بسبب معرفته الواسعه و كتابته الدقيقه عن عادات اليهود. بيقول رشيد الدين عن أبوه : " شهرة أبويا بترجع أولا وقبل كل حاجه لطهارة اخلاقه و شدة تمسكه بإسلامه "، وموفق الدوله جد رشيد الدين كان عايش فى قلعة الموت ، حصن الإسماعيليه ، لما إستولى عليها هولاكو. لكن ممكن طبع إن اجداده كانو يهود .[4]