راك
From Wikipedia, the free encyclopedia
الراك او الة المط ( بالانجليزى : The Rack ) كانت الة تعذيب ، زى ترابيزه فى العاده من الخشب اعلى من الارض شويه و فيها ملف فى طرف من الترابيزه او فى الطرفين. كانت ببتربط الرجلين بأغلال فى طرف الترابيزه او فى ملف و الايدين بتتربط فى الملف التانى و بعدين يبتدى تعذيب الضحيه بتدوير الملفات بطريقه عكسيه ب ان الجسم يتمط لغاية المفاصل ما تطلع من بعض. وقت مط الجسم كانت بتتسمع أصوات خروج المفاصل و الضلوع و العضم من بعض بطريقه مرعبه. و ساعات كانوا بيجيبوا الضحايا التانيين عشان يتفرجوا على حد بيتعذب بالمنظر ده عشان يرهبوهم و يخلوهم يعترفوا او يدوا معلومات.
![Thumb](http://upload.wikimedia.org/wikipedia/commons/thumb/4/48/Streckbett.jpg/640px-Streckbett.jpg)
كان فيه نوعيه افظع من الراك العادى بيتحط فيا ملف فيه مسامير فكان الضحيه بيتربط فى الراك و هو نايم على بطنه و فى الوقت اللى كان بيتمط فيه كان ملف المسامير بيقطع بطنه و كانت العمليه طبعاً بتنهى بقتله.
بطبيعة الحال الضحايا كانوا بيتعذبوا بوسايل تانيه اضافيه و هما مربوطين على الراك فكانوا بيحرقوا مثلاً اطرافهم بمشاعل او شمع او يطلعوا ضوافرهم من صوابع ايديهم و رجليهم.
الة الراك بتعتبر قديمه وليها اشكال كتيره و كانت بتستخدم فى العصور القديمه ، و فى العصور الوسطى استعملت فى فرنسا و تم تطويرها بملفات المسامير عشان يبقى التعذيب أكتر ، و بعد الخلافات الماليه اللى حصلت مابين ملك فرنسا والبابا من ناحيه و فرسان المعبد من ناحيه استخدمت اله الراك فى تعذيبهم ، و استخدمتها محاكم التفتيش التابعه للكنيسه الكاتوليكيه و كانت من اشهر و اهم الالات و الادوات اللى استخدمتها المحاكم دى ، و فى سنة 1447 ظهرت نوعيه منها فى انجلترا اتعرفت بإسم " بنت دوق ايكستر Duke of exter's daughter " و اتحطت فى برج لندن و لسه موجود نموذج منها هناك.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.