![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/97/Grigori_Rasputin_1916.jpg/640px-Grigori_Rasputin_1916.jpg&w=640&q=50)
راسبوتين
From Wikipedia, the free encyclopedia
جريجورى ايڤيموفيتش راسپوتين (روسى: Григо́рий Ефи́мович Распу́тин نطق: [ɡrɪˈɡorʲɪj jɪˈfʲiməvʲɪʨ rɐˈspʊtʲɪn]) -(بوكروفوسكوى، سيبريا، روسيا، 22 يناير 1869 - سانت بطرسبورج، 29 ديسمبر 1916) راهب روسى، رغم انه كان راجل جاهل، لكن قدر يسيطر على بلاط نيكولاى التانى قيصر روسيا ، بعد ما ادعى ان له قوه روحانيه يقدر يشفى بيها اليكسى ابن القيصر نيكولاى و ولى العهد اللى كان بيعانى من مرض الهيموفيليا. اتدخل فى السياسه لغاية ما النبلا اغتالوه فى قصر مويكا فى سانت بطرسبورج سنة 1916.
| ||||
---|---|---|---|---|
(بالروسى: Григорий Ефимович Распутин) ![]() | ||||
![]() | ||||
معلومات شخصيه | ||||
الميلاد | 9 يناير 1869 ![]() | |||
الوفاة | 17 ديسمبر 1916 (47 سنة)[1][2][3] ![]() | |||
مواطنه | ![]() ![]() | |||
ابناء | ماريا راسبوتين ![]() | |||
الحياه العمليه | ||||
المهنه | سياسى ، وفلاح ، وراهب [5] ![]() | |||
اللغات المحكيه او المكتوبه | روسى [6][7]، وانجليزى ![]() | |||
المواقع | ||||
IMDB | صفحته على IMDB ![]() | |||
تعديل مصدري - تعديل ![]() |
![Thumb image](http://upload.wikimedia.org/wikipedia/commons/thumb/9/97/Grigori_Rasputin_1916.jpg/640px-Grigori_Rasputin_1916.jpg)
اتولد راسپوتين فى قريه فى سيبريا سنة 1869. و هو لسه صغير كان بيشوف رؤى ان عنده قدرات على الشفا. اتجوز و خلف اربع ولاد بس كان مدمن خمره و سرقة حصنه. فى يوم سرق حصان و لما انكشف هرب من القريه و استخبى فى دير و اتحول للرهبنه و عمل رحله طويله وصل فيها لجبل اثوس فى اليونان و هناك بقى ليه اتباع، و فى جولاته انضم لطايفه دينيه متطرفه بتعمل طقوس قدرة تحمل و بتمارس حاجات بره نطاق الدين.
فى سنة 1905 قابل عالم لاهوت كان رئيس اكاديميه دينيه و كاهن اعتراف الامبراطوره الكسندرا فيودوروفنا مرات القيصر نيكولاى التانى فقدمه ليها و اقتنعت انه عنده قدرات على الشفا بعد ما قدر يخفف نزيف اتصاب بيه ابنها أليكسيس نيكوليافبتش وريث عرش روسيا اللى كان عيان بمرض الهيموفيليا. الامبراطوره امنت بقدرات راسبوتين الخارقه، و اياميها كان الارستقراطيين فى روسيا مولعين بالسحر و التنجيم، فعينته مستشار شخصى ليها و بزغ نجمه فى البلاط الملكى و ده اتسبب فى زيادة عدد اعدائه، و لما راح يزور قريته فى سيبيريا فى 27 يونيه 1914 اتعرض تانى يوم لمحاولة قتل على ايد عاهره فإتعالج و بعد ما خف رجع سان بطرسبورج و قدر يزود نفوذه السياسى فى البلاط الملكى لدرجة إن بقى ليه رأى فى تعيين و طرد الوزرا و على قرارات القيصر نيكولاى السياسيه.