دير السلطان
From Wikipedia, the free encyclopedia
دير السلطان دير أثرى للأقباط الأرثوذكس مكانه جوة أسوار البلدة القديمة لمدينة القدس، فى الحى المسيحى جنبها كنيسة القديسة هيلانة و كنيسة الملاك والممر اللى بيوصل من كنيسة هيلانة لحد سور كنيسة القيامه. مساحة الدير حوالى 1800 م2. صلاح الدين الأيوبى رجَّع الدير للأقباط بعد ما الصليبيين استولو عليه، ووقتها اتعرف الددير باسم "دير السلطان". ولدير السلطان أهمية بالخصوص عند الأقباط لأنه طريقهم المباشر للوصول من دير مار أنطونيوس اللى فيه مقر البطريركية المصريةلكنيسة القيامه.
| ||||
---|---|---|---|---|
البلد | القدس | |||
إحداثيات | 31°46′43″N 35°13′48″E | |||
تعديل |
ساحة الدير موجودة فوق كنيسة القديسة هيلانة وفى الزاوية الجنوبية الغربية من الساحة فيه كنيستين تاريخيتين اللى هما كنيسة ال 4 كائنات الروحية الغير متجسدة (الأربع حيوانات) ومساحتها 42 م2، و كنيسة الملاك ميخائيل هيا فى الدور الأرضى ومساحتها 35 م2. وعشان تروح من الدير دة لكنيسة القيامة لازم تدخل كنيسة ال 4 حيوانات وتنزل منها لكنيسة الملاك وتخرج من بابها لردهة كنيسة القيامة. والمفروض ان فيه نزاع تاريخى على ملكية الدير ده بين الأقباط و الأحباش.[1] [2]